ଗତ ୨୦୧୪ ଲୋକସଭା ନିର୍ବାଚନରେ ମୋଦିଙ୍କୁ ଭୋଟ ଦେଇ ପ୍ରଧାନମନ୍ତ୍ରୀ କରିବା ପାଇଁ ବିଦେଶରୁ ଭାରତକୁ ଆସିଥିଲେ ୮ ହଜାର ଊର୍ଦ୍ଧ୍ୱ ପ୍ରବାସୀ ଭାରତୀୟ। ଚଳିତ ନିର୍ବଚନରେ ମାତ୍ର ୧୦୦୦ ବିଦେଶରେ ରହୁଥିବା ପ୍ରବାସୀ ଭାରତୀୟ ଭାରତ ଆସିଛନ୍ତି ମୋଦିଙ୍କୁ ଭୋଟ ଦେବା ପାଇଁ । ସୂଚନା ଅନୁସାରେ ଯେଉଁ ପରିବାର ବିଦେଶରୁ ଭୋଟ ଦେବା ପାଇଁ ଆସିଛନ୍ତି, ସେମାନଙ୍କ ମଧ୍ୟରୁ ଉତ୍ତର ଗୁଜରାଟ ଓ ମଧ୍ୟ ଗୁଜରାଟର ଲୋକ ଅଧିକ ଅଛନ୍ତି । ଯାହା ମୋଦିଙ୍କ ପାଇଁ ଏକ ନୈରାଶ୍ୟଜନକ କଥା ବୋଲି କୁହାଯାଉଛି । ଏହାର କାରଣ ହୋଉଛି ମୋଦି ଯେବେବି ବିଦେଶ ଗସ୍ତ କରନ୍ତି ସେତେବେଳେ ସମସ୍ତ ପ୍ରବାସୀ ଭାରତୀୟଙ୍କୁ ନିର୍ବାଚନ ସମୟରେ ଭାରତ ଯାଇ ଭୋଟ ଦେବାକୁ ଅପିଲ କରନ୍ତି । ହେଲେ ବିଦେଶରେ ରହୁଥିବା ସେହି ଭାରତୀୟମାନେ ଭୋଟ ଦେବା ପାଇଁ ଆଗ୍ରହ ଦେଖାଉ ନଥିବାରୁ ସେମାନେ ଭାରତ ଆସୁ ନାହନ୍ତି ।
ଯଦିଓ ଭାରତ ଆସି ସେମାନେ ଭୋଟ୍ ଦେବାକୁ ଆଗ୍ରହୀ ନାହାନ୍ତି ତେବେ ମୋଦି ଆଉଥରେ ପ୍ରଧାନମନ୍ତ୍ରୀ ହୁଅନ୍ତୁ ବୋଲି ସେମାନେ ଚାହାନ୍ତି । ଏମିତିକି ତାଙ୍କ ଲାଗି ମଧ୍ୟ ବିଦେଶରେ ପ୍ରଚାର କରୁଛନ୍ତି । ନରେଶ ଚାୱଲା ନାମକ ଜଣେ ବ୍ୟକ୍ତି ମୋଦି ପୁଣିଥରେ ପ୍ରଧାନମନ୍ତ୍ରୀ ହେବା ପାଇଁ କାନାଡାରେ ଏକ ବାଇକ ରାଲି ମଧ୍ୟମରେ ପ୍ରଚାର କରିଥିଲେ ।