ଯୁଦ୍ଧକୁ ପୁରିଲା ୩୨ ଦିନ:ରୁଷ୍ର ମିସାଇଲ ମାଡ଼ରେ ୟୁକ୍ରେନ୍ର ଅନେକ ସହର ଧ୍ୱଂସ, ତେଲ ଡିପୋରେ ଲାଗିଛି ଭୟଙ୍କର ନିଆଁ
ନୂଆଦିଲ୍ଲୀ : ରୁଷ୍-ୟୁକ୍ରେନ୍ ଯୁଦ୍ଧକୁ ୩୨ ଦିନ ହେଲାଣି । ୟୁକ୍ରେନ୍ର ବହୁ ସହରକୁ ଧ୍ୱସଂ କରିସାରିଲାଣି ରୁଷ୍ । ଆଜି ଲଭିଭ୍ ଏବଂ ମାରିୟୁପୋଲ ସହରରେ ବଡ ଧରଣର ହମ୍ଲା କରିଛି ରୁଷ୍ । ରୁଷ୍ର ମିସାଇଲ ମାଡ଼ରେ ଥରିଛି ଲଭିଭ । ତେଲ ଡିପୋରେ ଭୟଙ୍କର ନିଆଁ ଲାଗିଛି । ପୂରା ଆକାଶ ଧୂଆଁ ମୟ ହୋଇଯାଇଛି । ଏପଟେ ଅଧିକ ଟ୍ୟାଙ୍କ ଓ ପ୍ଲେନ୍ ବିନା ମାରିୟୁପୁଲକୁ ବଞ୍ଚାଇବା ସମ୍ଭବ ନୁହେଁ ବୋଲି କହିଛନ୍ତି ୟୁକ୍ରେନ ରାଷ୍ଟ୍ରପତି ଜେଲେନସ୍କି ।
ଜବାବୀ ଆକ୍ରମଣରେ ଏଯାଏ ରୁଷର ୧୬ ହଜାର ୬ ଶହ ସୈନ୍ୟ ନିହତ ହୋଇଥିବା ୟୁକ୍ରେନ ଦାବି କରିଛି। ୧୨୧ଟି ବିମାନ, ୧୨୭ଟି ହେଲିକପ୍ଟରକୁ ମାରି ଖସାଇ ଦେଇଛି । ୫୮୨ଟି ଟ୍ୟାଙ୍କ, ୯୩ଟି MLRS, ୨୯୪ ଆର୍ଟିଲାରୀ ୧୧ଶହ ୪୪ଟି ଭେହିକିଲ୍, ୧୬ ଶହ ୬୪ ଆର୍ମୋର୍ଡ ପର୍ସନାଲ କ୍ୟାରିଅର, ୭୩ ଫୁଏଲ ଟ୍ୟାଙ୍କ, ୫୬ ୟୁଏଭିକୁ ନଷ୍ଟ କରିଥିବା ଦାବି କରିଛି ୟୁକ୍ରେନ।
