ବିଷାକ୍ତ ଶୋଷିଲା ସାପକୁ ପାଣି ଦେଇ ସୋସିଆଲ ମିଡିଆରେ ଭାଇରାଲ ହୋଇ ପ୍ରଶଂସା ସାଉଁଟିଲେ ଏହି ବ୍ୟକ୍ତି
ଖରାଦିନ ଆରମ୍ଭ ହେବା ପରଠୁ ଦେଶର ପ୍ରାୟ ସମସ୍ତ ରାଜ୍ୟରେ ଗରମ କାରଣରୁ ଲୋକ ଡହଳ ବିକଳ ହେଉଥିବାର ଦେଖିବାକୁ ମିଳୁଛି । କେବଳ ଲୋକ ନୁହଁନ୍ତି ବରଂ ଜୀବଜନ୍ତୁ ଓ ପଶୁପକ୍ଷୀ ମଧ୍ୟ ଖରା କାରଣରୁ ଶୋଷରେ ଅନେକ ଅସୁବିଧାର ସମ୍ମୁଖିନ ହୋଇଥାନ୍ତି । ପାଣି କାରଣରୁ କେତେକଙ୍କ ଜୀବନ ମଧ୍ୟ ଚାଲିଯାଏ । ଅନେକ ଲୋକ ଏହି ଜୀବଜନ୍ତୁଙ୍କ ସହାୟତା ପାଇଁ ଆଗକୁ ମଧ୍ୟ ବଢ଼ିଥାନ୍ତି । ଏଥିପାଇଁ କିଏ ନିଜ ଘର ବାଲକୋନୀରେ ପାଣି ପାତ୍ର ରଖିଥାନ୍ତି ତ ଆଉ କେହି ଛାତ ଉପରେ ଖାଦ୍ୟ ସହ ପାଣି ପାତ୍ର ରଖିଥାନ୍ତି । କେବଳ ଏତିକି ନୁହେଁ ବରଂ ଆଜିକାଲି ଗଛ ଡାଳରେ ମଧ୍ୟ ପାଣି ପାତ୍ରକୁ ଝୁଲା ଅବସ୍ଥାରେ ରଖାଯାଉଛି । ଯାହା କାରଣରୁ ପକ୍ଷୀମାନଙ୍କର ତୃଷ୍ଣା ନିବାରଣ ହୋଇପାରିବ ।
ତେବେ ଆଜି ଆମେ ଆପଣଙ୍କୁ ଏମିତି ଏକ ଦୃଶ୍ୟ ଦେଖେଇବାକୁ ଯାଉଛୁ ଯାହାକୁ ଆପଣ ଦେଖିଲେ ଆଶ୍ଚର୍ଯ୍ୟ ହୋଇଯିବେ । ଏହି ଭିଡିଓରେ ଆପଣ ଜଣେ ଲୋକ ସାପକୁ ପାଣି ଦେଉଥିବାର ଦେଖିବାକୁ ପାଇବେ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଏକ ବ୍ୟକ୍ତି ଜଣକ ପାଖରେ ଥିବା କୋବ୍ରା ସାପକୁ ପାଣି ଦେଉଥିବାର ଆପଣ ଦେଖିବେ । ସାପକୁ ଦେଖିବା ମାତ୍ରେ ପ୍ରାୟ ସମସ୍ତେ ଡରିଥାନ୍ତି । ମାତ୍ର ଏହି ବ୍ୟକ୍ତି ଜଣକ ବିଷାକ୍ତ ସାପକୁ ପାଣି ପିଆଉଥିବାର ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କିରିଛି । ସୋସିଆଲ ମିଡିଆରେ ଏବେ ଏହା ଖୁବ ଭାଇରାଲ ହେଉଛି । ଯାହାକୁ ଦେଖି ଲୋକମାନେ ଏହି ବ୍ୟକ୍ତି ଜଣକୁ ଅନେକ ପ୍ରଶଂସା କରିଛନ୍ତି ।
Kind man seen quenching a snake’s thirst battling scorching summer. pic.twitter.com/v2UpVzBfYB
— Pramod Madhav♠️ (@PramodMadhav6) April 22, 2021
ଏହି ଭିଡିଓକୁ ପ୍ରମୋଦ ମାଧବ ନାମକ ଜଣେ ବ୍ୟକ୍ତି ନିଜ ଟ୍ୱିଟର ଆକାଉଣ୍ଟରେ ସେୟାର କରିଥିଲେ । ସୂଚନା ଅନୁଯାୟୀ ଏହି ଭିଡିଓ ତାମିଲନାଡୁର କୁଡ୍ଡୁଲାର ଅଞ୍ଚଳରେ ଥିବା ଏକ ଜଙ୍ଗଲରେ ରେକର୍ଡିଙ୍ଗ କରାଯାଇଥିଲା। ପାଣି ଦେଲାପରେ ଏହି ବ୍ୟକ୍ତି ଜଣକ ସାପକୁ ଜଙ୍ଗଲରେ ଛାଡିଦେଇଥିଲେ । ଖବର ଅନୁଯାୟୀ ଏହି ବ୍ୟକ୍ତି ଜଣକ ପେଶାରେ ସାପଧରାଳୀ ।
