ଚିକେନ ଅର୍ଡର କରିଥିଲେ ମିଳିଲା ଖାଲି ହାଡ : ଚିଠି ଲେଖି ଡେଲିଭରି ବୟ କହିଲେ ‘ଭାରି ଭୋକ ଲାଗିଲା…ସବୁ ଖାଇଦେଲି’’
ବର୍ତ୍ତମାନ ଟେକ୍ନୋଲୋଜି ଯୁଗ ଆମ ଜୀବନକୁ ଅତି ସହଜ କରିଦେଇଛି। ଏବେ ଅନ୍ଲାଇନ୍ ମାଧ୍ୟମରେ ଆମେ ହାତ ପାହାନ୍ତାରେ ସବୁ କିଛି ସୁବିଧାରେ ପାଇପାରୁଛେ । ଏପରିକି ଅନ୍ଲାଇନ୍ ଫୁଡ୍ ଡେଲିଭରି ଆମ ଜୀବନଶୈଳୀକୁ ଆହୁରି ସହଜ କରି ଦେଇଛି। ଭୋକ ଲାଗିବା କ୍ଷଣି ଅନ୍ଲାଇନ୍ରେ ନିଜର ମନ ପସନ୍ଦର ଫୁଡ୍ ଅର୍ଡର କରୁଛୁ ଓ କିଛି ସମୟ ମଧ୍ୟରେ ଖାଇବା ଆସି ଆମ ପାଖରେ ପହଞ୍ଚି ଯାଉଛି। ହେଲେ ଏମିତି କିଛି ଘଟଣା ସାମ୍ନାକୁ ଆସିଛି ଯେଉଁଠି ଡେଲିଭରି ବୟଙ୍କ ଉପରେ କିଛି ଗ୍ରାହକ ବିରକ୍ତି ଭାବ ପ୍ରକାଶ କରିଥାନ୍ତି। ଅନ୍ଲାଇନ୍ରେ ଫୁଡ୍ ଅର୍ଡର ବେଳେ ଯଦି ଖାଦ୍ୟ ଘରେ ପହଞ୍ଚିବାରେ ସାମାନ୍ୟ ବିଳମ୍ବ ହୋଇଯାଏ, ତା’ହେଲେ ଅଧିକାଂଶ ଲୋକ ଡେଲିଭରି ବୟ ଉପରେ ବିରକ୍ତି ଭାବ ପ୍ରକାଶ କରିଥାନ୍ତି। ଏପରିକି କିଛି ଲୋକ ଗାଳିଗୁଲଜ କରିବାକୁ ମଧ୍ୟ ପଛାନ୍ତି ନାହିଁ। ହେଲେ ଗ୍ରାହକଙ୍କ ନିକଟରେ ଖାଦ୍ୟ ଯଥାଶୀଘ୍ର ପହଞ୍ଚାଇବା ପାଇଁ ଡେଲିଭରି ବୟ ରାସ୍ତାରେ ଅନେକ ଅସୁବିଧାର ସମ୍ମୁଖୀନ ହୋଇ ଫୁଡ୍ ଡେଲିଭର କରିଥାନ୍ତି।
ଘଟଣାଟି ହେଉଛି Damien Sanders ନାମକ ଜଣେ ବ୍ୟକ୍ତି ସୋସିଆଲ୍ ମିଡିଆରେ ଏହି ଭିଡିଓ ଶେଆର କରିଛନ୍ତି। ଡାମିନ୍ ଅନ୍ଲାଇନ୍ରେ ଚିକେନ୍ ୱିଙ୍ଗସ୍ ଅର୍ଡର କରିଥିଲେ।ହେଲେ ଯେତେବେଳେ ସେ ପାର୍ସଲ ଖୋଲିଥିଲେ, ସେତେବେଳେ ବକ୍ସ ଭିତରୁ ତାଙ୍କୁ ଏକ ଦୁଃଖଭରା ଚିଠି ଓ ଚିକେନର ଖାଲି ହାଡ଼ ମିଳିଥିଲା। ଭିଡିଓ ପୋଷ୍ଟ କରି କ୍ୟାପସନ୍ରେ ସେ ଲେଖିଛନ୍ତି, “The “ORIGINAL” VIDEO. YEAH, ITS ME! Cmon Now DoorDash Nkka. Not My Chicken,”। ଯାହାର ଭିଡିଓ ଗ୍ରାହକ ଜଣକ ସୋସିଆଲ୍ ମିଡିଆରେ ଶେଆର କରିଛନ୍ତି।
View this post on Instagram
ବାସ୍ତବରେ ଏହା ଘଟିଛି ଯେ ଡେଲିଭରି ବୟ ଚିକେନ୍ ଖାଇବା ପରେ ପ୍ୟାକେଟରେ ହାଡ ପ୍ୟାକ୍ କରି ଗ୍ରାହକଙ୍କୁ ଦେଇଥିଲେ ଏବଂ ସେଥିରେ ଏକ ନୋଟ୍ ଦେଇଥିଲେ ଏବଂ ଏହା କରିବାର କାରଣ ବର୍ଣ୍ଣନା କରିଥିଲେ। ଡେଲିଭରି ବୟ ନୋଟରେ ଲେଖିଥିଲେ ‘କ୍ଷମା କରିବେ ବାବୁ… ଭାରି ଭୋକ ଲାଗିଲା, ତେଣୁ ସବୁ ଖାଇଦେଲି’। କେବଳ ଏତିକି ନୁହେଁ, ସେ ଏହି ନୋଟରେ ମଧ୍ୟ ଲେଖିଛନ୍ତି ଯେ ସେ ନିଜ ଚାକିରିରେ ଖୁସି ନୁହଁନ୍ତି, ତେଣୁ ସେ ତୁରନ୍ତ ଚାକିରି ଛାଡ଼ି ଯାଉଛନ୍ତି।
ଏସବୁ ପାଇଁ ଡେଲିଭରି ବୟଙ୍କୁ କ୍ଷମା କରିବାଦେବାକୁ କିଛି ୟୁଜର୍ସ କମେଣ୍ଟସ ଦେଇ କହିଛନ୍ତି। ଏଉ କେହି କେହି କହିଛନ୍ତି ଡେଲିଭରି ବୟ ପ୍ରକୃତରେ ଭୋକିଲା ଥିଲା ।’ ଏହି ସମୟରେ, ଅନ୍ୟ ଜଣେ ଉପଭୋକ୍ତା ଲେଖିଥିଲେ, ‘ମୁଁ ଏହିପରି କାହାର ଅର୍ଡର ଖାଦ୍ୟ ଖାଏ ନାହିଁ।’ ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ‘ତୁମେ କମ୍ପାନୀରେ ଅଭିଯୋଗ କରିବା ଉଚିତ ଯାହା ଦ୍ୱାରା ଖାଦ୍ୟ ଫେରସ୍ତ ପାଇବ। ତେବେ ଏହି ସବୁ କମେଣ୍ଟସ ପାଇବା ପରେ ବ୍ୟକ୍ତି ଜଣଙ୍କ ଅଭିଯୋଗ କରିଥିଲେ ଏବଂ ପୁଣି ଥରେ ଖାଦ୍ୟ ଅର୍ଡର କରିଥିଲେ।
