ଯଦି କେହି ଜଣେ ଯାତ୍ରା କରିବାକୁ ବାହାରନ୍ତି ତ ଆମେ ତାଙ୍କୁ “ହାପି ଏଣ୍ଡ ସେଫ ଜର୍ଣ୍ଣି” କରି ବିଦାୟ ଦେଇଥାଉ । ଯାତ୍ରା ସମୟରେ ଯେମିତି କୌଣସି ଅସୁବିଧା ନ ହୁଏ, କୌଣସି ବାଧାବିଘ୍ନ ନ ଉପୁଜେ ସେ ନେଇ ଏଇ ଶୁଭେଚ୍ଛା ଦିଆଯାଇଥାଏ । କିନ୍ତୁ ବୋଧ ହୁଏ କିଛି ଜଣ ଏହାର ପ୍ରକୃତ ଅର୍ଥ ବୁଝନ୍ତି ନାହିଁ । ଆଉ ଯାତ୍ରା ସମୟରେ ଓଲଟା ସିଧା ହରକତ କରିବସନ୍ତି । ଯାହା ପାଇଁ ଏକ ବଡ ଦଣ୍ଡ ଭୋଗିବାକୁ ପଡିଥାଏ । କିଛି ଏମିତି ଦୃଶ୍ୟ ନିକଟରେ ସେୟାର ହୋଇଥିବା ଏକ ଭିଡିଓରେ ଦେଖିବାକୁ ମିଳିଛି । ଆଉ ଟିକିଏ ଅସାବଧାନତା ଓ ବଦମାସୀ କାରଣରୁ ବସ ଉପରେ ବସିଥିବା କିଛି ଲୋକ ରାସ୍ତା ଉପରେ ଓଲଟି ପଡିଛନ୍ତି ।
Be careful..😢😢😢
Bus की छत पर सवारी न करें..😢😢 pic.twitter.com/34RkFFUGoy
— Rupin Sharma IPS (@rupin1992) July 24, 2021
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓଟିରେ ଆପଣ ଦେଖିପାରିବେ ବସରେ ସିଟ ସଂଖ୍ୟା କମ ପଡିବାରୁ କିଛି ଲୋକ ବସ ଉପରେ ହିଁ ବସି ଯାତ୍ରା କରୁଥିଲେ । ଖାଲି ସେତିକି ନୁହେଁ ବସର ଆଗ ପଟରେ ବି ୧୦ ରୁ ୧୫ ଜଣ ଲୋକ ଯାତ୍ରା କରୁଥିଲେ । ସେମାନଙ୍କ ଏମିତି ଯାତ୍ରା ଜୀବନ ଘାତକାରି ବି ହୋଇପାରେ ବୋଲି ଜାଣି ସୁଦ୍ଧା ଏମିତି ଦୁଃସାହସିକ ପଦକ୍ଷେପ ନେଇଥିଲେ । ଆଉ ଫଳ ସ୍ୱରୂପ ଗୋଟେ ସମୟରେ ଦଳେ ଲୋକ ଦୁଲଦାଲ କିନା ତଳେ ପଡିଯାଇଥିଲେ ।
ପ୍ରକୃତରେ ଘଟଣାଟି ଘଟିଥିଲା ଏମିତି | ବସର ସାମ୍ନା ପଟରେ ଜଣେ ଲୋକ ବାଇକ ଚାଳନା କରୁଥିଲେ । ଆଉ ବାରମ୍ବାର ପଛକୁ ଅନାଇ ଦେଖୁଥିଲେ । ଆଉ ଏହି ସମୟରେ ବାଇକ ଚାଳକଙ୍କ ବାଲାନ୍ସ ବିଗିଡି ଗଲା ଆଉ ସେ ବ୍ରେକ ମାରି ଦେଇଥିଲେ । ଆଉ ଏହି ସମୟରେ ବସ ଡ୍ରାଇଭର ଜଣଙ୍କ ବି ତୁରନ୍ତ ବ୍ରେକ ଦେଇ ଦେଇଥିଲେ । ଯାହା ଫଳରେ ବସ ଉପରେ ବସିଥିବା ଦଳେ ଲୋକ ଗୋଟେ ଝଟକାରେ ତଳେ ପଡିଯାଇଥିଲେ । ଭିଡିଓଟି ଇଣ୍ଟରନେଟରେ ଖୁବ ଭାଇରାଲ ହୋଇଥିଲା । ଏହାକୁ ଆଇପିଏସ ଅଧିକାରୀ ରୁପିନ ଶର୍ମା ଟ୍ୱିଟର ଆକାଉଣ୍ଟରେ ସେୟାର କରିଥିଲେ । ଆଉ ସେୟାର ହେବାର ମାତ୍ର କିଛି ସମୟ ଭିତରେ ଦ୍ରୁତ ଗତିରେ ଭାଇରାଲ ହୋଇଥିଲା ।