ଏହି ଦୁନିଆରେ ଏପରି ଅନେକ ପ୍ରକାରର ନୀତି ନିୟମ ରହିଛି ଯାହା ଦେଖିବା ସହିତ ଶୁଣିବାକୁ ମଧ୍ୟ ଆଶ୍ଚର୍ଯ୍ୟ ଲାଗିଥାଏ । ଆଜି ଆମେ ଆପଣଙ୍କୁ ଏପରି ଏକ ଭିନ୍ନ ନିୟମ ବିଷୟରେ କହିବାକୁ ଯାଉଛୁ ଯାହା ଶୁଣିବା ମାତ୍ରେ ଆପଣ ଆଶ୍ଚର୍ଯ୍ୟ ହୋଇଯିବେ । ଦୁନିଆରେ ରହିଛି ଏକ ଏପରି ସ୍ଥାନ ଯେଉଁଠି ଲୋକମାନେ ବିବାହ କରିବା ପାଇଁ ଅନ୍ୟର ପତ୍ନୀକୁ ଚୋରାଇ ନେଇ ବହୁତ ଧୁମଧାମରେ ବିବାହ କରିଥାନ୍ତି । ଜାଣିଲେ ଆଶ୍ଚର୍ଯ୍ୟ ହେବେ ଯେ ଏହି ବିବାହରେ ସମସ୍ତଙ୍କର ସହମତି ମଧ୍ୟ ରହିଥାଏ ।
ସୂଚନା ଅନୁଯାୟୀ ଆଫ୍ରିକାର ସହେଲ ରେଗିସ୍ତାନରେ ବାସ କରୁଥିବା ବୋଦାବ୍ବେ ନାମକ ଜନଜାତିର ଲୋକେ ପ୍ରତିବର୍ଷ ବିବାହ କରିବା ପାଇଁ ଗେରେବୋଲ ଉତ୍ସବର ଆୟୋଜନ କରିଥାନ୍ତି । ଏହି ଉତ୍ସବରେ ପୁଅମାନେ ଚେହେରାରେ ରଙ୍ଗ ଲଗାଇ ଆସିଥାନ୍ତି ଏବଂ ବିବାହିତ ମହିଳା ମାନଙ୍କୁ ପ୍ରେମ ନିବେଦନ କରିଥାନ୍ତି ଏବଂ ଯଦି ପୁରୁଷ ଏଥିରେ ସଫଳ ହୁଏ ତାହେଲେ ସେ ବିବାହିତ ମହିଳାଙ୍କୁ ନେଇ ଫେରାର ହୋଇଯାଏ । ତେବେ ଏପରି କରିବା ସମୟରେ ଏହି କଥାକୁ ଧ୍ୟାନରେ ରଖିବାକୁ ପଡେ ଯେପରି ମହିଳାଙ୍କ ପତି ଏହିସବୁ ନ ଦେଖନ୍ତି କିମ୍ବା ତାଙ୍କୁ ଏ ବିଷୟରେ କୌଣସି ସୂଚନା ନମିଳେ ।
ମହିଳା ଜଣକ ମାନି ଯିବା ପରେ ପୁରୁଷ ପ୍ରଥମେ ବିବାହିତ ମହିଳାଙ୍କୁ ନେଇ ଫେରାର ହୋଇଯାନ୍ତି । ପରେ ସମୁଦାୟ ସେ ଦୁଇଜଣଙ୍କ ବିବାହ କରାଇଥାନ୍ତି । ଏହିଭଳି ବିବାହକୁ ଏହି ସମୁଦାୟର ଲୋକେ ଲଭ ମ୍ୟାରେଜ କହିଥାନ୍ତି ଏବଂ ସେମାନଙ୍କର ବିବାହକୁ ବହୁତ ଧୁମଧାମରେ ପାଳନ କରିଥାନ୍ତି । ଏହି ସମୁଦାୟରେ ଅଧିକାଂଶ ଲୋକଙ୍କର ବିବାହ ଏହିଭଳି ହୋଇଥାଏ । ବିବାହ କରିବା ପୂର୍ବରୁ ମହିଳା ମାନଙ୍କୁ ପ୍ରଥମ ସ୍ୱାମୀଙ୍କର ଆଶୀର୍ବାଦ ମଧ୍ୟ ନେବାକୁ ପଡିଥାଏ ଏବଂ ସବୁ ଲୋକ ଏହି କାମକୁ ମିଳିମିଶି ସମର୍ଥନର ସହ କରିଥାନ୍ତି । ଏହାସହିତ ଏହି ପରମ୍ପରାକୁ ଉପଭୋଗ ମଧ୍ୟ କରିଥାନ୍ତି ।
ଏହାସହ ପଢନ୍ତୁ ତକିଆର ଦାମ ୩୬ ଲକ୍ଷ, ଜାଣନ୍ତୁ କଣ ରହିଛି ସ୍ୱତନ୍ତ୍ରତା
ଗେରେବୋଲ ଫେଷ୍ଟିଭାଲରେ ଲୋକମାନେ ଏପରି ରୂପ ବଦଳାଇ ଆସିଥାନ୍ତି ଯେପରିକି ଜଣେ ଅନ୍ୟ ଜଣକୁ ଚିହ୍ନି ପାରିବେ ନାହିଁ ଏବଂ ଏହି ବିବାହକୁ ଭଲଭାବେ ଉପଭୋଗ କରିପାରିବେ । ଏହାର ଆୟୋଜନ ଗ୍ରାମର ଲୋକମାନେ ବହୁତ ବଡ଼ ଭାବେ ଆୟୋଜନ କରିଥାନ୍ତି ।