ଏହି ଦେଶର ଲୋକମାନଙ୍କର ମସ୍ତିଷ୍କ ସବୁଠାରୁ ତୀକ୍ଷ୍ଣ, ଜାଣନ୍ତୁ କେତେ ନମ୍ବରରେ ଅଛି ଭାରତ
ଆପଣ କେବେ ଚିନ୍ତା କରିଛନ୍ତି କି କେଉଁ ଦେଶର ଲୋକଙ୍କର ସର୍ବାଧିକ IQ ସ୍ତର ରହିଛି କିମ୍ବା କେଉଁ ଦେଶର ଲୋକଙ୍କର ମସ୍ତିଷ୍କ ସବୁଠାରୁ ତୀକ୍ଷ୍ଣ? ଯଦି ଜାଣିନାହାନ୍ତି, ତେବେ ଆଜି ଆମେ ଆପଣଙ୍କୁ ଏହି କଥା କହିବାକୁ ଯାଉଛୁ । ନିକଟରେ ୱାର୍ଲଡ ଅଫ ସ୍ଟାଟିସ୍ଟିକ୍ସ ବିଭିନ୍ନ ଦେଶରେ ଲୋକଙ୍କ ହାରାହାରି IQ ସଂଖ୍ୟା ପ୍ରକାଶ କରିଛି ।
ଆପଣ କେବେ ଚିନ୍ତା କରିଛନ୍ତି କି କେଉଁ ଦେଶର ଲୋକଙ୍କର ସର୍ବାଧିକ IQ ସ୍ତର ରହିଛି କିମ୍ବା କେଉଁ ଦେଶର ଲୋକଙ୍କର ମସ୍ତିଷ୍କ ସବୁଠାରୁ ତୀକ୍ଷ୍ଣ? ଯଦି ଜାଣିନାହାନ୍ତି, ତେବେ ଆଜି ଆମେ ଆପଣଙ୍କୁ ଏହି କଥା କହିବାକୁ ଯାଉଛୁ । ନିକଟରେ ୱାର୍ଲଡ ଅଫ ସ୍ଟାଟିସ୍ଟିକ୍ସ ବିଭିନ୍ନ ଦେଶରେ ଲୋକଙ୍କ ହାରାହାରି IQ ସଂଖ୍ୟା ପ୍ରକାଶ କରିଛି । ଏହି ପରିସଂଖ୍ୟାନରେ, ଶ୍ରେଷ୍ଠ IQ ସହିତ ଶ୍ରେଷ୍ଠ ୧୦ଟି ଦେଶ ବିଷୟରେ ଉଲ୍ଲେଖ କରାଯାଇଛି ।
ଏହି ରିପୋର୍ଟରେ ଜାପାନର ଲୋକମାନଙ୍କୁ ସର୍ବୋତ୍ତମ ଆଇକ୍ୟୁ ଥିବା ଦର୍ଶାଯାଇଛି । ରିପୋର୍ଟ ଅନୁଯାୟୀ, ସେଠାରେ ଥିବା ଲୋକଙ୍କ ହାରାହାରି IQ ହେଉଛି ୧୦୬.୪୮ । ଏହି ତାଲିକାରେ ତାଇୱାନର ନାମ ଦ୍ୱିତୀୟ ସ୍ଥାନରେ ରହିଛି । ସେଠାରେ ଥିବା ଲୋକଙ୍କ ହାରାହାରି IQ ହେଉଛି ୧୦୬.୪୭ । ଏହି ତାଲିକାରେ ସିଙ୍ଗାପୁର ତୃତୀୟ ସ୍ଥାନରେ ରହିଛି । ଏଠାରେ ଥିବା ଲୋକଙ୍କ IQ ସ୍ତର ହେଉଛି ୧୦୫.୩୪ ।
ପରିସଂଖ୍ୟାନ ଅନୁଯାୟୀ, IQ ଦୃଷ୍ଟିରୁ ହଂକଂର ଲୋକମାନେ ଚତୁର୍ଥ ସ୍ଥାନରେ ଅଛନ୍ତି । ଯାହାର IQ ସ୍ତର ହେଉଛି ୧୦୫.୩୪ । ସେହିପରି ଚାଇନାର ଲୋକଙ୍କ ନାମ ପଞ୍ଚମ ସ୍ଥାନରେ ରହିଛି । ଏଠାରେ ଥିବା ଲୋକଙ୍କ ହାରାହାରି IQ ସ୍ତର ହେଉଛି ୧୦୪.୧ । ଏହି ତାଲିକାରେ ସାଉଥ କୋରିଆ ଷଷ୍ଠ ସ୍ଥାନରେ ରହିଛି, ବେଲାଋଷ ସପ୍ତମ ସ୍ଥାନରେ, ଫିନଲ୍ୟାଣ୍ଡ ଅଷ୍ଟମ ସ୍ଥାନରେ, ଲିକଟେଷ୍ଟାଇନ୍ ନବମ ସ୍ଥାନରେ ଏବଂ ପରେ ଜର୍ମାନୀ ଦଶମ ସ୍ଥାନରେ ରହିଛି ।
ଯଦି ଆପଣ ବର୍ତ୍ତମାନ ଏହି ତାଲିକାରେ ଭାରତର ନାମ ଖୋଜୁଛନ୍ତି, ତେବେ ଆପଣଙ୍କୁ କହି ରଖୁଛୁ ଯେ ରିପୋର୍ଟରେ ଭାରତକୁ ୧୪୩ ନମ୍ବରରେ ସ୍ଥାନିତ କରାଯାଇଛି । ଯାହାର ହାରାହାରି IQ ସ୍ତର ରିପୋର୍ଟରେ ୭୬.୨ ବୋଲି ଦର୍ଶାଯାଇଛି । ଏହି ତାଲିକାରେ ପାକିସ୍ତାନ ୧୨୦ ତମ ସ୍ଥାନ ହାସଲ କରିଛି । ସେଠାରେ ଥିବା ଲୋକଙ୍କ IQ ସ୍ତର ୮୦ ବୋଲି କୁହାଯାଇଛି ।
