ଭାରତକୁ ସ୍ୱାଧିନତା ଦେବାରେ ମହତ୍ତ୍ୱପୂର୍ଣ୍ଣ ଯୋଗଦାନ ଦେଇଥିଲେ ନେତାଜୀ ସୁଭାଷ ଚନ୍ଦ୍ର ବୋଷ। ତାଙ୍କର ଜନ୍ମ ୨୩ ଜାନୁଆରୀ, ୧୮୯୭ ରେ ଓଡିଶାର କଟକ ସହରରେ ହୋଇଥିଲା । ତାଙ୍କ ପିତାଙ୍କ ନାମ ଜାନକୀ ନାଥ ବୋଷ ଏବଂ ମା’ଙ୍କ ନାଁ ପ୍ରଭାବତୀ ଦେବୀ । ମହାତ୍ମା ଗାନ୍ଧୀଙ୍କ ଅହିଂସା ବିଚାରରେ ସୁଭାଷ ଚନ୍ଦ୍ର ବୋଷ ସହମତି ନଥିଲେ । ୧୮ ଅଗଷ୍ଟ ୧୯୪୫ ରେ ଏକ ବିମାନ ଦୂର୍ଘଟଣାରେ ତାଙ୍କ ଦେହାନ୍ତ ହୋଇଯାଇଥିଲା । କିନ୍ତୁ ତାଙ୍କ ମୃତ୍ୟୁ ସମ୍ବନ୍ଧରେ ଅନେକ ଲୋକ ବିଭିନ୍ନ ମନ୍ତବ୍ୟ ଦେଇଥାନ୍ତି । ଆଜାଦ୍ ହିନ୍ଦ୍ ଫୌଜର ଗଠନ କରିଥିବା ଭାରତମାତାର ଏହି ବୀର ସୁପୁତ୍ରଙ୍କର ଆଜି ହେଉଛି ଜନ୍ମତିଥି ।
ନେତାଜୀ ନିଜର ଆଜାଦ୍ ହିନ୍ଦ ଫୌଜ ଗଠନ କରିବା ସହିତ ଜୁଲାଇ ୪ ରେ ୧୯୪୪ରେ ବର୍ମାରେ ପହଁଚିଥିଲେ। ତାଙ୍କ ପ୍ରସିଦ୍ଧ ନାରା ମଧ୍ୟରେ ଥିଲା, ‘ତୁମେ ମୋତେ ରକ୍ତ ଦିଅ, ମୁଁ ତୁମକୁ ସ୍ୱାଧିନତା ଦେବି ।’ ଜୟ ହିନ୍ଦ୍ ଭଳି ନାରା ବି ସେ ହିଁ ଦେଇଥିଲେ । ତାଙ୍କ ବଚନରେ ଏତେ ଦମ୍ଭ ଥିଲା ଯେ ତାଙ୍କର ଗୋଟିଏ କଥାରେ ଭାରତବାସୀଙ୍କ ଶରୀରର ରକ୍ତ ଗରମ ହୋଇଯାଉଥିଲା । ସମସ୍ତଙ୍କ ମନରୁ ଡରକୁ ବାହାର କରି ନିର୍ଭିକତାର ପାଠ ପଢାଉଥିଲେ ନେତାଜୀ ବୋଷ୍ । ତେବେ ଆଜି ଆସନ୍ତୁ ତାଙ୍କର ଏଭଳି କିଛି ବାଣୀ ବିଷୟରେ ଜାଣିବା ।
୧ .ସଫଳତା ସବୁବେଳେ ଅସଫଳତାର ସ୍ତମ୍ଭରେ ଛିଡା ହୋଇଥାଏ।
୨ . ମୋର ଅନୁଭବ ଯେ ସବୁବେଳେ ଆଶାର କୌଣସି ନା କୌଣସି କିରଣ ଆସିଥାଏ, ଯାହା ଆମକୁ ରାସ୍ଥା ଭୁଲିବାକୁ ଦିଏ ନାହିଁ।
୩ . ମା’ଙ୍କର ଭଲପାଇବା ସବୁଠାରୁ ଗଭୀର ହୋଇଥାଏ, ଏହାକୁ କାହା ସହିତ ମଧ୍ୟ ତୁଳନା କରାଯାଇପାରିବ ନାହିଁ।
୪ . ଧ୍ୟାନ ରଖନ୍ତୁ ସବୁଠାରୁ ବଡ ଅପରାଧ ଅନ୍ୟାୟକୁ ସହ୍ୟ କରିବା ଏବଂ ଭୁଲ୍ ସହ ସାଲିସ୍ କରିବା ।
୫ . ଯଦି ଜୀବନରେ କେବେ ଅସ୍ଥାୟୀ ରୁପରେ ମୁଣ୍ଡ ନୁଆଁଇବାକୁ ପଡେ ତେବେ ବୀର ଭଳି ନୁଆଁଇବ ।
୬ . ସମୟପୂର୍ବର ପରିପକ୍ୱତା ଆଦୌ ଠିକ୍ ହୋଇନଥାଏ । ଏହା କୌଣସି ବୃକ୍ଷ ହେଉ କିମ୍ବା କୌଣସି ବ୍ୟକ୍ତି ଏହାର ହାନି ଭବିଷ୍ୟତରେ ଭୋଗିବାକୁ ପଡିଥାଏ ।
୭ . ଯଦି ଜୀବନରେ ସଂଘର୍ଷ ନାହିଁ , କାହା ପାଇଁ ଭୟ ନାହିଁ ତେବେ ଜୀବନର ଅଧା ସ୍ୱାଦ ହିଁ ଶେଷ ହୋଇଯାଏ ।
୮ . ନେତାଜୀଙ୍କ ଭାଷାରେ ସେ ଜୀବନରେ କେବେ କାହାର ଖୁସାମତୀ କରି ନାହାନ୍ତି । ଅନ୍ୟକୁ ଭଲ ଲାଗିବା ଭଳି କଥା ହେବା ମତେ କେବେ ଆସିନାହିଁ ।
୯ . ସଫଳତାର ରାସ୍ତା ଅବଶ୍ୟ ଲମ୍ବା ହୋଇଥାଏ କିନ୍ତୁ ତାହା ଆସିବା ସୁନିଶ୍ଚିତ । ତେଣୁ ଆମକୁ ନିରନ୍ତର ଆଗକୁ ବଢିବା ଦରକାର ।
୧୦ . ଉଚ୍ଚ ବିଚାରରେ ଦୂର୍ବଳତା ଦୂର ହୋଇଥାଏ । ତେଣୁ ଆମକୁ ନିଜ ହୃଦୟରେ ଉଚ୍ଚବିଚାର ଆଣିବାକୁ ପଡିବ ।