ଅଷ୍ଟ୍ରେଲିଆର ଜଙ୍ଗଲରେ ଗତ କିଛିଦିନ ହେବ ନିଆଁ ଲାଗିଥିବା କାରଣରୁ ଶହ ଶହ ଜୀବ ଜନ୍ତୁ ମୃତ୍ୟୁ ବରଣ କଲେଣି। ନ୍ୟୁ ସାଉଥ୍ ୱେଲସ ଏବଂ କ୍ୱିନ୍ସଲ୍ୟାଣ୍ଡ ରାଜ୍ୟର ସୁନ୍ଦରତାକୁ ଜଙ୍ଗଲରେ ଲାଗିଥିବା ନିଆ ସମ୍ପୂର୍ଣ୍ଣ ନଷ୍ଟ କରିଦେଇଛି। ଏହି ନିଆଁ କାରଣରୁ ଅନେକ କୋଆଲା ପ୍ରାଣ ହରାଇଛନ୍ତି। ଏହି କୋଆଲାଙ୍କୁ ବଞ୍ଚାଇବା ପାଇଁ ସ୍ଥାନୀୟ ଲୋକମାନେ ବହୁତ ଚେଷ୍ଟା କରିବା ସତ୍ତ୍ୱେ ମଧ୍ୟ ରକ୍ଷା କରିପାରୁନାହାନ୍ତି। ଆଉ ଏହି ପରିସ୍ଥିତିରେ ଜଣେ ମହିଳାଙ୍କର ସାହାସିକତାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ଭିଡିଓରେ ଜଣେ ମହିଳା ଏକ କୋଆଲାକୁ ରକ୍ଷା କରୁଥିବାର ନଜର ଆସୁଛନ୍ତି। ମହିଳାଜଣଙ୍କ ଜଙ୍ଗଲରେ କୋଆଲାକୁ ନିଆଁ ଭିତରେ ଫସିରହିଥିବାର ଦେଖିବାକୁ ପାଇଲେ। କୋଆଲାଟି ଗଛରୁ ଡେଇଁବା ପାଇଁ ଚେଷ୍ଟା କରିବା ସମୟରେ ତଳକୁ ଖସିପଡିଲା। ଫଳରେ ତାର ଅଧିକାଂଶ ଶରୀର ନିଆଁରେ ପୋଡିଗଲା। ମହିଳା ଜଣଙ୍କ ଏହା ଦେଖି ତାକୁ ବଞ୍ଚାଇବା ପାଇଁ ବହୁତ ଚେଷ୍ଟା କଲେ କିନ୍ତୁ ଜଙ୍ଗଲର କରାଳ ନିଆଁ ତାଙ୍କୁ ରକ୍ଷା କରିବା ପାଇଁ ବାଧକ ସାଜୁଥିଲା।
A woman rescued a badly burnt and wailing koala from an Australian bushfire. The koala was spotted crossing a road amongst the flames near Long Flat in #NewSouthWales, on the eastern side of #Australia. #Koala #Koalas #KoalaHospital #Koalarescue #AustraliaBushfires #wildfires pic.twitter.com/DdA16UkAjp
— Feliz Karen News (@felizkrennews) November 20, 2019
କିନ୍ତୁ ବହୁତ ଚେଷ୍ଟା ପରେ ସେ କୋଆଲାକୁ ନିଆଁରୁ ଉଦ୍ଧାର କରିଥିଲେ। ଏହାପରେ ସେ ପିନ୍ଧିଥିବା ସାର୍ଟ ଖୋଲି କୋଆଲାକୁ ଢ଼ାଙ୍କି ଦେଲେ। କୋଆଲା ନିଆଁରେ ଜଳିଯାଇଥିବା କାରଣରୁ ବହୁତ ଯନ୍ତ୍ରଣାର ସାମ୍ନା କରୁଥିଲା। ମହିଳା ଜଣଙ୍କ ତାକୁ ପାଣି ପିଆଇ କ୍ଷତାକ୍ତ ସ୍ଥାନକୁ ଚିକିତ୍ସା କରାଇଲେ। ଅସହ୍ୟ କଷ୍ଟ ଯନ୍ତ୍ରଣା କାରଣରୁ ଏହି ଛୋଟ ଜୀବ କୋଆଲା ଆଖିରୁ ଲୁହ ଆସିଯାଇଥିବା ଦେଖିବାକୁ ମିଳିଥିଲା।
Meet Lewis the koala, rescued from a bushfire yesterday near Long Flat …. he’s been bandaged up and is going ok today. @9NewsSyd 🐨❤️ pic.twitter.com/yY02up1noY
— Lizzie Pearl (@lizziepearl) November 19, 2019
ଅନ୍ୟ ଜଣେ ବ୍ୟକ୍ତି କମ୍ବଳ ଆଣି କୋଆଲାକୁ ଘୋଡାଇଦେଲେ। ଏହାପରେ ଜୀବଟିକୁ ହସପିଟାଲକୁ ନିଆଯାଇଥିଲା ଯେଉଁଠି ତାର ଚିକିତ୍ସା ଚାଲୁଛି। ତେବେ ଏଇଠୁ ଆମେ ଆପଣଙ୍କୁ କହିରଖିବାକୁ ଚାହିଁବୁ ଯେ ସେ ମଣିଷ ହେଉ ନା ପଶୁ, ଯିଏ କେହି ବି ଅସୁବିଧାରେ ଥିଲେ ଆମେ ତାଙ୍କୁ ସାହାଯ୍ୟ କରିବା ନିହାତି ଆବଶ୍ୟକ।
ଏହାସହ ପଢନ୍ତୁ : କେବେ ନୋଟିସ୍ କରିଛନ୍ତି, ମହିଳାଙ୍କ ସାର୍ଟ ବଟନ ବାମ ପଟେ ଥାଏ କାହିଁକି ?