ମଣିଷଙ୍କ ଭଳି କୁକୁର ମଧ୍ୟ କଥାବାର୍ତ୍ତା କରୁଛି। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ। ଷ୍ଟେଲା ନାମକ ଏହି କୁକୁରଟି ଲୋକଙ୍କ ସହ କିଭଳି କଥାବାର୍ତ୍ତା କରାଯାଏ ତାହା ଶିଖିଛି। ଷ୍ଟେଲାର ମାଲିକ କ୍ରିଷ୍ଟନା ହଙ୍ଗର ଜଣେ ସ୍ପିଚ୍ ପାଥୋଲୋଷ୍ଟ ହୋଇଥିବାରୁ ସେ ହିଁ ନିଜ ପୋଷା କୁକୁରଙ୍କୁ କଥାବାର୍ତ୍ତା କରିବା ଶିଖାଉଛନ୍ତି।
ଏହାସହ ପଢନ୍ତୁ: ଏମିତି ଏକ ପରିବାର ଯେଉଁଠି ଦୈନିକ ଖିଆଯାଏ ୧୦୦ କେଜି ଚାଉଳ, ୬୦ କେଜି ଆଳୁ
ଏଥିପାଇଁ କ୍ରିଷ୍ଟନା ଏକ କି-ବୋର୍ଡ ତିଆରି କରିଛନ୍ତି। କି-ବୋର୍ଡରେ ୨୯ଟି ବଟନ୍ରେ କମ୍, ପ୍ଲେ, ଲୁକ୍ ଆଦି ୨୯ଟି ଶବ୍ଦ ରହିଛି। ଯେତେବେଳେ ଷ୍ଟେଲା ମିଲିକାଣୀଙ୍କୁ କିଛି କହିବାକୁ ଚାହିଁଥାଏ, ସେତେବେଳେ ସେ ସେହି ବଟନ୍ ଚିପି ନିଜ ଭାବନା ଜଣାଇଥାଏ। ଏହାଦ୍ୱାରା କ୍ରିଷ୍ଟନା ସହଜରେ ଷ୍ଟେଲାର ମନ କଥା ବୁଝିପାରିଥାନ୍ତି। ବେଳେ ବେଳେ ୩-୪ଟି ଶବ୍ଦକୁ ମିଶାଇ ମଧ୍ୟ ଷ୍ଟେଲା କିଛି କହିଥାଏ।
ଏହାସହ ପଢନ୍ତୁ: କୁକୁର ମୁଣ୍ଡରେ ଉଠିଲା ଶିଙ୍ଗ, ପରୀକ୍ଷା ପରେ ଡାକ୍ତର କହିଲେ ଏମିତି କଥା…
ସାନ୍ ଡାଇଗୋ ନିବାସୀ କ୍ରିଷ୍ଟନା ପ୍ରାୟତଃ ସୋସିଆଲ ମିଡିଆରେ ଷ୍ଟେଲାର ଫଟୋ ଓ ଭିଡିଓ ସେୟାର କରିଥାନ୍ତି। ବର୍ତ୍ତମାନ ତାଙ୍କର ୪.୭ ଲକ୍ଷ ଫଲୋୟର୍ସ ଅଛନ୍ତି। ଷ୍ଟେଲାକୁ ଲୋକମାନେ ପସନ୍ଦ କରୁଥିବା ଦେଖିବାକୁ ମିଳୁଛି।