ବିଶ୍ୱକପ ୨୦୨୩ ଆୟୋଜନ କରୁଥିବା ସମସ୍ତ ଷ୍ଟେଟ ଆସୋସିଏସନକୁ ଚିଠି ଲେଖିଲା ବିସିସିଆଇ, ସମସ୍ତଙ୍କୁ କଲା ଏମିତି ନିବେଦନ
ଭାରତରେ ଅକ୍ଟୋବର ୫ ତାରିଖରୁ ନଭେମ୍ବର ୧୯ ପର୍ଯ୍ୟନ୍ତ ବିଶ୍ୱକପ ମହାକୁମ୍ଭର ଆୟୋଜନ ହେବ । ଦେଶର ୧୨ଟି ସ୍ଥାନରେ ମ୍ୟାଚ୍ ଖେଳାଯିବ । ସମସ୍ତ ୧୦ଟି ଷ୍ଟେଟ୍ ଆସୋସିଏସନକୁ ଏକ ଖାସ୍ ଚିଠି ଲେଖିଛନ୍ତି ଜୟ ଶାହା।
ବିଶ୍ୱକପ୍ ୨୦୨୩ର ଆୟୋଜନ ଚଳିତଥର ଭାରତ କରୁଛି । ବିସିସିଆଇ ଏଥିପାଇଁ ସମସ୍ତ ପ୍ରକାର ପ୍ରସ୍ତୁତି କରିସାରିଛି । ପ୍ରଥମ ଥର ପାଇଁ ଭାରତ ଏକୁଟିଆ ମେଗା ଇଭେଣ୍ଟର ଆୟୋଜନ କରୁଛି । ଚଳିତବର୍ଷ ବିଶ୍ୱକପରେ ଭାରତର ୧୨ଟି ସ୍ଥାନରେ ମ୍ୟାଚ୍ ଖେଳାଯିବ । ଏଥିପାଇଁ ବିସିସିଆଇ ସଚିବ ଜୟ ଶାହା ବିଶ୍ୱକପ୍ ଆୟୋଜନ କରୁଥିବା ସମସ୍ତ ୧୦ଟି ଷ୍ଟେଟ୍ ଆସୋସିଏସନକୁ ଏକ ଖାସ୍ ଚିଠି ଲେଖିଛନ୍ତି ।
ଚଳିତବର୍ଷ ବିଶ୍ୱକପ ମ୍ୟାଚ୍ ପାଇଁ ହାଇଦ୍ରାବାଦ, ଅହମଦାବାଦ, ଧର୍ମଶାଳା, ଦିଲ୍ଲୀ, ଚେନ୍ନାଇ, ଲକ୍ଷ୍ନୌ, ବେଙ୍ଗାଲୁରୁ, ମୁମ୍ବାଇ, କଲିକତା ଏବଂ ପୁନେରେ ଖେଳାଯିବ । ସେହିପରି ଓ୍ଵାର୍ମଅପ ମ୍ୟାଚ ଗୌହ୍ଵାଟୀ, ତିରୁଅନ୍ତନପୁରମ, ହାଇଦ୍ରାବାଦରେ ଆୟୋଜିତ ହେବ ।
Proud moment for India! Hosting the ICC Men’s Cricket World Cup for the fourth time is an incredible honor. With 12 cities as the backdrop, we’ll showcase our rich diversity and world-class cricketing infrastructure. Get ready for an unforgettable tournament! #CWC2023 @ICC @BCCI pic.twitter.com/76VFuuvpcK
— Jay Shah (@JayShah) June 27, 2023
ତେବେ ଏମାନଙ୍କୁ ଛାଡି ଅନେକ ବଡ ଷ୍ଟାଡିୟମ ମୋହାଲି, ନାଗପୁର, ରାଜକୋଟ, ଇନ୍ଦୋର, ରାଞ୍ଚି, ରାୟପୁରକୁ କୌଣସି ମ୍ୟାଚ୍ ନ ମିଳିବାରୁ ସମସ୍ତ ସଂଘ ନିରାଶ ହୋଇଛନ୍ତି । ତେବେ ଏହାକୁ ନେଇ ଜୟ ଶାହା ସମସ୍ତଙ୍କୁ ଚିଠି ଲେଖି ଅପିଲ କରିଛନ୍ତି । ଯେଉଁମାନେ ବିଶ୍ୱକପ୍ ମ୍ୟାଚ୍ ପାଇଁ ନିଜର ନାମ ଦେଇଛନ୍ତି, ସେମାନେ ଆଗାମୀ ଅର୍ନ୍ତରାଷ୍ଟ୍ରୀୟ ସିଜିନ ପାଇଁ ହେବାକୁ ଥିବା ମ୍ୟାଚ୍ ପାଇଁ ନିଜର ନାମ ଦେବେ ନାହିଁ । ସମସ୍ତ ଷ୍ଟେଟ ଆସୋସିଏସନକୁ ଚିଠି ଲେଖି ଅପିଲ କରିଛନ୍ତି ଜୟ ଶାହ।
ଆଉ ଯେଉଁମାନଙ୍କୁ ବିଶ୍ୱକପ୍ ମ୍ୟାଚ୍ ପାଇଁ ସୁଯୋଗ ଦିଆଯାଇନାହିଁ, ସେମାନେ ବିଶ୍ୱକପ ପୂର୍ବରୁ ହେବାକୁ ଥିବା ଭାରତ ଏବଂ ଅଷ୍ଟ୍ରେଲିଆ ଦିନିକିଆ ସିରିଜ ମ୍ୟାଚ୍ ଖେଳିବାକୁ ମିଳିବ । ତା’ ଛଡା ବିଶ୍ୱକପ ସରିବା ପରେ ଭାରତ ଅଷ୍ଟ୍ରେଲିଆ ବିପକ୍ଷରେ ୫ଟି ମ୍ୟାଚ୍ ବିଶିଷ୍ଟ ଟି-୨୦ ମ୍ୟାଚ ଖେଳିବ ।
ବିଶ୍ବକପ ୨୦୨୩ରେ ଟିମ୍ ଇଣ୍ଡିଆର ସୂଚୀ :
୮ ଅକ୍ଟୋବର : ଭାରତ ବନାମ ଅଷ୍ଟ୍ରେଲିଆ(ଚେନ୍ନାଇ)
୧୧ ଅକ୍ଟୋବର : ଭାରତ ବନାମ ଆଫଗାନିସ୍ତାନ ( ଦିଲ୍ଲୀ)
୧୫ ଅକ୍ଟୋବର : ଭାରତ ବନାମ ପାକିସ୍ତାନ (ଅହମଦାବାଦ)
୧୯ ଅକ୍ଟୋବର : ଭାରତ ବନାମ ବାଂଲାଦେଶ ( ପୁନେ)
୨୨ ଅକ୍ଟୋବର : ଭାରତ ବନାମ ନ୍ୟୁଜିଲାଣ୍ଡ ( ଧର୍ମଶାଳା)
୨୯ ଅକ୍ଟୋବର : ଭାରତ ବନାମ ଇଂଲଣ୍ଡ (ଲକ୍ଷ୍ନୌ)
୨ ନଭେମ୍ବର : ଭାରତ ବମାନ କ୍ବାଲିଫାୟର (ମୁମ୍ବାଇ)
୫ ନଭେମ୍ବର : ଭାରତ ବନାମ ଦକ୍ଷିଣ ଆଫ୍ରିକା (କୋଲକତା)
୧୧ ନଭେମ୍ବର : ଭାରତ ବନାମ କ୍ବାଲିଫାୟର ଟିମ୍ (ବେଙ୍ଗାଲୁରୁ)
