ମହାମାରୀ କରୋନା କାରଣରୁ ଦୀର୍ଘ ଦିନ ଛୁଟିରେ ରହିବା ପରେ ଭାରତୀୟ କ୍ରିକେଟ ଦଳର ଉପାଧୀନାୟକ ରୋହିତ ଶର୍ମା ପୁଣି ଠାରେ ମୈଦାନକୁ ଓଲ୍ହାଇଛନ୍ତି । କୋଭିଡ-୧୯ ଲକ ଡାଉନ ପରେ ନିଜ ପ୍ରଥମ ଆଉଟ ଡୋର ଟ୍ରେନିଙ୍ଗ ଆରମ୍ଭ କରିଛନ୍ତି ରୋହିତ । କହିରଖିବା ଉଚିତ ହେବକି, ଏହା ପୂର୍ବରୁ ସେ ନ୍ୟୁଜିଲ୍ୟାଣ୍ଡ ବିପକ୍ଷ ଟି-20 ସିରିଜରେ ମୈଦାନକୁ ଓଲ୍ହାଇଥିବା ବେଳେ ଆଘାତ ପାଇବା କାରଣରୁ ଖେଳରୁ ବିରତ ହୋଇଥିଲେ । ପୁଣି ଥରେ ମୈଦାନକୁ ଓଲ୍ହାଇବା ପରେ ରୋହିତ ନିଜ ଇନ୍ଷ୍ଟଗ୍ରାମ ପେଜରେ ଲେଖିଛନ୍ତିକି, ପାର୍କରେ ପ୍ରାକ୍ଟିସ କରିବାର ଅନୁଭୂତି ଖୁବ ମଜାଦାୟକ ଥିଲା, ଲମ୍ବା ସମୟର ଅବଧି ପରେ ପୁଣି ଥରେ ନିଜକୁ ଅନୁଭବ କରିପାରିଲି ।
View this post on Instagram
Good to be back on the park getting some work done 🤩 felt like myself after a long time ✅
କିନ୍ତୁ କେଉଁ ମୈଦାନରେ ରୋହିତ ପୁନଶ୍ଚ ଅଭ୍ୟାସ ଆରମ୍ଭ କରିଛନ୍ତି, ସେ ବାବଦରେ ଏହି ପୋଷ୍ଟରୁ ଜଣାପଡିନାହିଁ । ଟିମର ଅନ୍ୟ ଖେଳାଳିଙ୍କ ପରି ରୋହିତ ବି ଗତ ମାର୍ଚ୍ଚ ୨୫ ତାରିଖରୁ ରାଷ୍ଟ୍ରବ୍ୟାପୀ ଲାଗୁ ହୋଇଥିବା ଲକ ଡାଉନ କାରଣରୁ ଘରେ ରହି ସାମାଜିକ ଦୂରତା ପାଳନ କରୁଥିଲେ । ଏହି ନିକଟରେ ହିଁ ତାଙ୍କ ସାଥି ଖେଳାଳି ଚେତ୍ତେଶ୍ୱର ପୂଜାରା ରାଜକୋଟ ଠାରେ ନେଟ ପ୍ରାକ୍ଟିସ ଆରମ୍ଭ କରିଥିଲେ । ଅନ୍ୟ ପକ୍ଷରେ, ଦ୍ରୁତ ବୋଲର ଶାରଦୁଲ ଠାକୁର ଟ୍ରେନିଂ ଆରମ୍ଭ କରିବାରେ ପ୍ରଥମ ଭାରତୀୟ ଥିଲେ । ସେ ପାଲଘର ଜିଲ୍ଲାର ବଇଶର ଠାରେ ନିଜ ବଲିଙ୍ଗ ପ୍ରାକ୍ଟିସ ଆରମ୍ଭ କରିଥିଲେ ।