DY Patil T20 Cup: ହାର୍ଦ୍ଦିକ ପାଣ୍ଡ୍ୟାଙ୍କ ଶାନଦାର ପ୍ରଦର୍ଶନ, ମାତ୍ର ୩୯ ବଲରେ କଲେ ୧୦୫ ରନ
ନିକଟରେ ହିଁ ସୁସ୍ଥ ହୋଇଥିବା ଭାରତୀୟ କ୍ରିକେଟ ଖେଳାଳି ହାର୍ଦ୍ଦିକ ପାଣ୍ଡ୍ୟା ଚାଲିଥିବା ଡ଼ି -ବାୟୀ ଟି୨୦ କପରେ ମଙ୍ଗଳବାର ଖୁବ ଭଲ ପ୍ରଦର୍ଶନ କରିଛନ୍ତି । ଉଭୟ ବ୍ୟାଟିଂ ଓ ବୋଲିଙ୍ଗରେ ହାର୍ଦ୍ଦିକ ଭଲ ଖେଳିଛନ୍ତି । ଫଳରେ ହାର୍ଦ୍ଦିକଙ୍କ ରିଲାଏନ୍ସ ବନ ଦଳ, ବିପକ୍ଷ ମହାଲେଖା ଓ ନିୟନ୍ତ୍ରକ ବା ସିଏଜି ଦଳକୁ ୧୦୧ ରନର ଏକ ବଡ ବ୍ୟବଧାନରେ ହରାଇ ଦେଇଛି । ପୂର୍ବ ସପ୍ତାହ ହିଁ ପ୍ରତିଯୋଗିତା ମୂଳକ କ୍ରିକେଟ ମୈଦାନକୁ ଲେଉଟି ଥିବା ହାର୍ଦ୍ଦିକ ଏହି ମ୍ୟାଚ ଟିରେ ସମୁଦାୟ ୧୦ଟି ଛକା ସମେତ ଆଠଟି ଚୌକା ମାରିଥିଲେ । ଫଳରେ ବ୍ୟକ୍ତିଗତ ଭାବେ ସେ ମାତ୍ର ୩୯ ବଲରେ ୧୦୫ ରନ କରିବାକୁ ସକ୍ଷମ ହୋଇପାରିଥିଲେ ।
ଯେବେକି ହାର୍ଦ୍ଦିକଙ୍କ ଦଳ ସମୁଦାୟ ୨୫୨ ରନ କରିବା ସହ ବିପକ୍ଷ ଦଳକୁ ୧୦୧ ରନର ଏକ ବଡ ବ୍ୟବଧାନରେ ହରାଇବାକୁ ସକ୍ଷମ ହୋଇପାରିଛି । ବୋ ଲିଙ୍ଗରେ ବି ପାଣ୍ଡ୍ୟା ଖୁବ ଭଲ ପ୍ରଦର୍ଶନ କରି ପାଞ୍ଚଟି ଵିକେଟ ହାସଲ କରିବାକୁ ସକ୍ଷମ ହୋଇଛନ୍ତି । ଏହି ମ୍ୟାଚଟିକୁ ଦେଖିବା ପାଇଁ ଚୟନ କମିଟି ଅଧ୍ୟକ୍ଷ ଏମଏସକେ ପ୍ରସାଦ ବି ଷ୍ଟାଡିୟମରେ ଉପସ୍ଥିତ ଥିଲେ । ସୂଚନା ଦେବା ଯୋଗ୍ୟକି, ପାଞ୍ଚ ମାସ ପୂର୍ବରୁ ହିଁ ପାଣ୍ଡ୍ୟାଙ୍କ ଅଣ୍ଟାରେ ଗଭୀର ଆଘାତ ଲାଗିଥିଲା । ଲଣ୍ଡନରେ ଚିକିତ୍ସିତ ହୋଇ ସେ ସୁସ୍ଥ ହୋଇଛନ୍ତି ।
ନିଜ ପରଫରମାନ୍ସକୁ ନେଇ ସେ ଖୁବ ଖୁସି ଥିବା ହାର୍ଦ୍ଦିକ ପ୍ରତିକ୍ରିୟାରେ କହିଛନ୍ତି । ଏହା ସହ ଦକ୍ଷିଣ ଆଫ୍ରିକା ସିରିଜକୁ ଫେରିବାକୁ ଚେଷ୍ଟା ଚଳାଇଥିବା ହାର୍ଦ୍ଦିକ ନିଜ ଇନ୍ଷ୍ଟଗ୍ରାମ ଆକାଉଣ୍ଟରେ ଫଟୋ ସେୟାର କରି ନିଜ ଫିଟ୍ନେସ ବିଷୟରେ ବି ସୂଚନା ଦେଇଛନ୍ତି । ମାତ୍ର ୩ ମାସ ଭିତରେ ତାଙ୍କ ଓଜନ ୬୮ କିଲୋରୁ ୭୫ ହୋଇଥିବା ସେ ଉଲ୍ଲେଖ କରିଛନ୍ତି ।
