ଓ୍ଵାଲର୍ଡ ଟେଷ୍ଟ ଚାମ୍ପିଅନସିପ ଫାଇନାଲ ପାଇଁ ଟିମ୍ ଇଣ୍ଡିଆ ଘୋଷଣା, ଦଳକୁ ଫେରିଲେ ରାହାଣେ
WTC ଫାଇନାଲ ପାଇଁ ଭାରତୀୟ ଟିମ୍ ଘୋଷଣା କରିଛି ବିସିସିଆଇ । ଟିମକୁ ଫେରିଛନ୍ତି ରାହାଣେ । ଆଉ ଦଳରୁ ବାଦ୍ ପଡିଛନ୍ତି ରିଷଭ, ଶ୍ରେୟସ ଏବଂ ବୁମରା । ୭ ଜୁନରୁ ୧୧ ଜୁନ ମଧ୍ୟରେ ଅଷ୍ଟ୍ରେଲିଆ ବିପକ୍ଷରେ ଓଭାଲରେ ଖେଳାଯିବ ମ୍ୟାଚ୍।
ଓ୍ଵାର୍ଲ୍ଡ ଟେଷ୍ଟ ଚାମ୍ପିଅନସିପ ପାଇଁ ଭାରତୀୟ ଟିମ୍ ଘୋଷଣା କରିଛି ବିସିସିଆଇ । ୭ ଜୁନରୁ ୧୧ ଜୁନ ମଧ୍ୟରେ ଅଷ୍ଟ୍ରେଲିଆ ବିପକ୍ଷରେ ହେବାକୁ ଥିବା ଆଇସିସି ଓ୍ଵାଲର୍ଡ ଟେଷ୍ଟ ଚାମ୍ପିଅନସିପ ଫାଇନାଲରେ କେଉଁ କେଉଁମାନେ ଖେଳିବେ, ସେମାନଙ୍କର ନାମ ଘୋଷଣା କରାଯାଇଛି । ୧୫ ଜଣିଆ ଭାରତୀୟ ସ୍କ୍ଵାଡ୍ ଘୋଷଣା ହୋଇଛି । ଟିମ୍ ଇଣ୍ଡିଆର ଦାୟିତ୍ୱ ରୋହିତ ଶର୍ମାଙ୍କ ହାତରେ ରହିବ ।
ତେବେ ଟିମ୍ରୁ ଫେରିଛନ୍ତି ଅଜିଙ୍କ୍ୟ ରାହାଣେ । ଆହତ ହୋଇଥିବା ରିଷଭ ପନ୍ତ, ଶ୍ରେୟସ ଆୟର, ଜସପ୍ରୀତ ବୁମରାଙ୍କୁ ସ୍ଥାନ ମିଳିନି । ଓ୍ଵାର୍ଲଡ ଟେଷ୍ଟ ଚାମ୍ପିଅନସିପ ଟାଇଟଲ ପାଇଁ ଅଷ୍ଟ୍ରେଲିଆ ସହ ଲଢ଼ିବ ଭାରତ । ଓଭାଲରେ ଜୁନ୍ ୭ ତାରିଖରୁ ଖେଳାଯିବ ମ୍ୟାଚ୍ ।
WTC ଫାଇନାଲ ପାଇଁ ପାଖାପାଖି ୧ ବର୍ଷ ପରେ ରାହାଣେ ଟେଷ୍ଟ ଟିମକୁ ଫେରୁଛନ୍ତି । ଶ୍ରେୟସ ଆୟରଙ୍କ ପାଇଁ ମଧ୍ୟକ୍ରମ ଖାଲି ରହିଥିଲା । ଟିମ୍ ଇଣ୍ଡିଆ ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟରେ ସୂର୍ଯ୍ୟକୁମାର ଯାଦବଙ୍କୁ ସୁଯୋଗ ଦେଇଥିଲା । କିନ୍ତୁ ସୂର୍ଯ୍ୟକୁମାର ଭଲ ପ୍ରଦର୍ଶନ କରିନଥିଲେ । ତେଣୁ ସେହି ସ୍ଥାନରେ ଅଜିଙ୍କ୍ୟ ରାହାଣେଙ୍କୁ ସ୍ଥାନ ମିଳିଛି ।
🚨 NEWS 🚨#TeamIndia squad for ICC World Test Championship 2023 Final announced.
Details 🔽 #WTC23 https://t.co/sz7F5ByfiU pic.twitter.com/KIcH530rOL
— BCCI (@BCCI) April 25, 2023
ତେବେ ଅଷ୍ଟ୍ରେଲିଆ ବିପକ୍ଷରେ ଖରାପ ପ୍ରଦର୍ଶନ କରିବା ସତ୍ତ୍ୱେ ମଧ୍ୟ କେଏଲ ରାହୁଲଙ୍କୁୁ ଓ୍ଵାଲର୍ଡ ଟେଷ୍ଟ ଚାମ୍ପିଅନସିପରେ ସ୍ଥାନ ମିଳିଛି । ସେହିଭଳି ଓ୍ଵିକେଟ କିପିଂ ପାଇଁ କେଏସ୍ ଭରତ ଉପରେ ଭରସା କରିଛନ୍ତି ଚୟନକର୍ତ୍ତା ଟିମ୍ । ତେବେ ବୋଲିଂ ପାଇଁ ଭାରତୀୟ ଟିମରେ ତିନି ଜଣ ସ୍ପିନରଙ୍କୁ ସ୍ଥାନ ମିଳିଛି ।
ଭାରତୀୟ ଟିମ୍ : ରୋହିତ ଶର୍ମା(ଅଧିନାୟକ), ଶୁବମନ ଗିଲ୍, ଚେତେଶ୍ୱର ପୂଜାରା, ବିରାଟ କୋହଲି, ଅଜିଙ୍କ୍ୟ ରାହାଣେ, କେ.ଏଲ ରାହୁଲ, କେ.ଏସ୍. ଭରତ, ଆର୍. ଅଶ୍ୱିନୀ, ରବୀନ୍ଦ୍ର ଜାଡେଜା, ଅକ୍ଷର ପଟେଲ, ସାର୍ଦ୍ଦୁଲ ଠାକୁର, ମହମ୍ମଦ ସାମି, ମହମ୍ମଦ ସିରାଜ, ଉମେଶ ଯାଦବ, ଜୟଦେବ ଉନାଦକଟ