ନନ୍ଦନକାନନରେ ଖଣ୍ଡା ଆତଙ୍କ, ଦୁଇ ଅଭିଯୁକ୍ତ ଗିରଫ
ନନ୍ଦନକାନନ ଡେପୁଟି ଡାଇରେକ୍ଟରଙ୍କ ରୁମରେ ପଶି ଖଣ୍ଡାରେ ଆତଙ୍କ ଖେଳାଇବା ଘଟଣା । ଦୁଇ ଅଭିଯୁକ୍ତଙ୍କୁ ବିଳମ୍ବିତ ରାତିରେ ଗିରଫ କଲା ନନ୍ଦନକାନନ ପୋଲିସ ।
ଭୁବନେଶ୍ୱର : ନନ୍ଦନକାନନ ଡେପୁଟି ଡାଇରେକ୍ଟରଙ୍କ ରୁମରେ ପଶି ଖଣ୍ଡାରେ ଆତଙ୍କ ଖେଳାଇବା ଘଟଣା । ଦୁଇ ଅଭିଯୁକ୍ତଙ୍କୁ ବିଳମ୍ବିତ ରାତିରେ ଗିରଫ କଲା ନନ୍ଦନକାନନ ପୋଲିସ । ଗିରଫ ଅଭିଯୁକ୍ତ ହେଲେ ନନ୍ଦନକାନନ ପାଖରେ ଥିବା ଦାରୁଠେଙ୍ଗର ଖୋବା ଓରଫ ସନ୍ତୋଷ ପାହାଡ଼ ସିଂ ଓ ଅନ୍ୟ ଜଣେ ବାରଙ୍ଗ ଅଞ୍ଚଳର ସନ୍ତୋଷ ସାମଲ । ଖୋବା ନାଁରେ ୧୦ରୁ ଅଧିକ ମାମଲା ରହିଛି । ଘଟଣା ପଛର କାରଣ ନେଇ ତଦନ୍ତ ଚାଲିଛି ।
ନନ୍ଦନକାନନ ଥାନାକୁ ଖବର ଆସିବା ପରେ ସଙ୍ଗେ ସଙ୍ଗେ ପିସିଆର ଯାଇଥିଲା । ସେତେବେଳେ ନନ୍ଦନକାନନ ର ଷ୍ଟାଫ ବାହାରେ ଛିଡା ହୋଇଥିଲେ । ପୋଲିସ ଭିତରକୁ ଯିବା ଭିତରେ ଖସି ପଳାଇଥିଲେ ଅଭିଯୁକ୍ତ । ଖୋବା ବିରୋଧରେ ୧୧୦ ଆକ୍ଟ ଲଗାଇବା ପାଇଁ ସୁପାରିଶ କରାଯିବ। ନନ୍ଦନ କାନନରେ ପlଟ୍ରୋଲିଂ ସବୁ ଦିନ ରହିଥାଏ। ଛୁଟି ଥିବାରୁ ପାଟ୍ରୋଲିଙ୍ଗ ଗାଡ଼ି ନଥିଲା। ନନ୍ଦନକାନନ ସୁରକ୍ଷା ନେଇ ଅଧିକ ଧ୍ୟାନ ଦିଆଯିବ। ପାଟ୍ରୋଲିଂ କଡ଼ାକଡି କରାଯିବ।
