କେନ୍ୟୁଜ୍(ବ୍ୟୁରୋ): ରାଜଧାନୀ ଭୁବନେଶ୍ବରରୁ ଆଜି ଆଜି ୨୦୧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ଆକ୍ରାନ୍ତଙ୍କ ମଧ୍ୟରେ ଅଛନ୍ତି କ୍ବାରେଣ୍ଟାଇନରୁ ୬୪ ଜଣ ଓ ଲୋକାଲ କଣ୍ଟାକ୍ଟ କେସରୁ ଅଛନ୍ତି ୧୫୭ ଜଣ। ସେହିଭଳି ୨୪ ଘଣ୍ଟା ମଧ୍ୟରେ ୨୯୨ କରୋନା ଆକ୍ରାନ୍ତ ସୁସ୍ଥ ହୋଇଥିବାର ଭୁବନେଶ୍ୱର ମହାନଗର ନିଗମ ଟ୍ବିଟ ଯୋଗେ ସୂଚନା ଦେଇଛି।
Update on newly detected #COVID19 cases in the last
24 hrs under the BMC area on 22nd Oct 2020(till 9am). pic.twitter.com/COAQsX1IHf— BMC (@bmcbbsr) October 22, 2020
ବିଏମସି ସୂଚନା ମୁତାବକ କ୍ବାରେଣ୍ଟାଇନରୁ ଚିହ୍ନଟ ଆକ୍ରାନ୍ତମାନେ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ। ଏହି ଆକ୍ରାନ୍ତ ମାନଙ୍କ ମଧ୍ୟରେ ଅଛନ୍ତି ବଡ଼ଗଡ଼ରୁ ୪ ଜଣ, ରସୁଲଗଡ଼, ୟୁନିଟ-୮, ଖଣ୍ଡଗିରି, ମଂଚେଶ୍ୱର, କଳିଙ୍ଗନଗର, ଜୟଦେବ ବିହାର, ଗ୍ୟାରେଜ ଛକ, ଚନ୍ଦ୍ରଶେଖରପୁରରୁ ୩-୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ଲୋକାଲ କଣ୍ଟାକ୍ଟ କେସରୁ ବଡ଼ଗଡ଼ରୁ ୧୦ ଜଣ, ପଟିଆରୁ ୮ ଜଣ, ରସୁଲଗଡ଼, ସହିଦନଗରରୁ ୬-୬ ଜଣ, ଭରତପୁର ଓ ଚନ୍ଦ୍ରଶେଖରପୁରରୁ ୪ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।