ରାଜ୍ୟରେ ତୃତୀୟ ପର୍ଯ୍ୟାୟ ନିର୍ବାଚନ ପାଇଁ କିଛି ସମୟ ପରେ ଥମିବ ପ୍ରଚାର, ୬ ଲୋକସଭା ଓ ୪୨ ବିଧାନସଭା ଆସନରେ ହେବ ମତଦାନ
ରାଜ୍ୟରେ ତୃତୀୟ ପର୍ଯ୍ୟାୟ ନିର୍ବାଚନ ପାଇଁ କିଛି ସମୟ ପରେ ଥମିବ ପ୍ରଚାର । ଶେଷ ଦିନରେ ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ଦଳର ପ୍ରାର୍ଥୀ, ହେଭିୱେଟ ଓ ଷ୍ଟାର ପ୍ରଚାରକ ହାଇଭୋଲଟେଜ କ୍ୟାମ୍ପେନ କରିଛନ୍ତି ।
ଭୁବନେଶ୍ୱର : ରାଜ୍ୟରେ ତୃତୀୟ ପର୍ଯ୍ୟାୟ ନିର୍ବାଚନ ପାଇଁ କିଛି ସମୟ ପରେ ଥମିବ ପ୍ରଚାର । ଶେଷ ଦିନରେ ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ଦଳର ପ୍ରାର୍ଥୀ, ହେଭିୱେଟ ଓ ଷ୍ଟାର ପ୍ରଚାରକ ହାଇଭୋଲଟେଜ କ୍ୟାମ୍ପେନ କରିଛନ୍ତି । ରାଜ୍ୟରେ ତୃତୀୟ ପର୍ଯ୍ୟାୟ ନିର୍ବାଚନରେ ୬ଟି ସଂସଦୀୟ କ୍ଷେତ୍ର ଓ ଏହା ଅଧୀନ ୪୨ ବିଧାନସଭା ଆସନରେ ମତଦାନ ହେବ । ସମ୍ବଲପୁର, କେନ୍ଦୁଝର, ଢେଙ୍କାନାଳ, କଟକ, ପୁରୀ, ଭୁବନେଶ୍ବର ଲୋକସଭା ଆସନ ଓ ୪୨ ବିଧାନସଭା ସିଟରେ ୨୫ ତାରିଖରେ ଭୋଟ ନିଆଯିବ ।
ସମ୍ବଲପୁର ଲୋକସଭା ଆସନରେ ଏଥର ବିଗ ଫାଇଟ ହେଉଛି । ଏହା ଉପରେ ରହିଛି ସମସ୍ତଙ୍କ ନଜର। ତୃତୀୟ ପର୍ଯ୍ୟାୟରେ ରହଛି ବହୁ ଚର୍ଚ୍ଚିତ ଆସନ ଓ ଲଢୁଛନ୍ତି ବହୁ ଚର୍ଚ୍ଚିତ ଚେହେରା । ବିଜେଡିରୁ ସାଙ୍ଗଠନିକ ସଂପାଦକ ପ୍ରଣବ ପ୍ରକାଶ ଦାସ, ବିଜେପିରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ କଂଗ୍ରେସରୁ ପୂର୍ବତନ ସାଂସଦ ନଗେନ୍ଦ୍ର ପ୍ରଧାନ ମଇଦାନରେ ଅଛନ୍ତି । ଏହା ଉପରେ ରହିଛି ସମସ୍ତଙ୍କ ନଜର । ସେହିପରି କଟକ ଲୋକସଭା ଆସନ ପାଇଁ ବିଜେଡିରୁ ସଂତୃପ୍ତ ମିଶ୍ର, ବିଜେପିରୁ ଭର୍ତ୍ତୃହରି ମହତାବ ଓ କଂଗ୍ରେସରୁ ସୁରେଶ ମହାପାତ୍ର ଭାଗ୍ୟ ପରୀକ୍ଷା କରୁଛନ୍ତି ।
ପୁରୀରେ ବି ଲଢ଼େଇ ଜମିବ । ପୁରୀ ସଂସଦୀୟ କ୍ଷେତ୍ର ପାଇଁ ବିଜେଡିରୁ ଅରୂପ ପଟ୍ଟନାୟକ ଲଢୁଥିବା ବେଳେ ତାଙ୍କ ବିପକ୍ଷରେ ବିଜେପିରୁ ସମ୍ବିତ ପାତ୍ର ଓ କଂଗ୍ରେସରୁ ଜୟନାରାୟଣ ପଟ୍ଟନାୟକ ପ୍ରାର୍ଥୀ ଅଛନ୍ତି । ସେହିପରି ଭୁବନେଶ୍ବରରେ ଲୋକସଭା ଆସନ ପାଇଁ ମଧ୍ୟ କଡ଼ା ଟକ୍କର ହେବ । ବିଜେଡିର ମନ୍ମଥ ରାଉତରାୟ, ବିଜେପିର ଅପରାଜିତା ଷଡ଼ଙ୍ଗୀ ଓ କଂଗ୍ରେସର ୟାସିର ନୱାଜ ମଇଦାନରେ ଅଛନ୍ତି । ଢେଙ୍କାନାଳ ଲୋକସଭା ଆସନ ପାଇଁ ବିଜେଡିରୁ ଅବିନାଶ ସାମଲ, ବିଜେପିରୁ ରୁଦ୍ର ନାରାୟଣ ପାଣି ଓ କଂଗ୍ରେସରୁ ସସ୍ମିତା ବେହେରା ପ୍ରତିଦ୍ବନ୍ଦ୍ବିତା କରୁଛନ୍ତି ।
କେନ୍ଦୁଝର ଲୋକସଭା ଆସନରେ ବିଜେଡିରୁ ଧନୁର୍ଜୟ ସିଦ୍ଦୁ, ବିଜେପିରୁ ଅନନ୍ତ ନାୟକ ଓ କଂଗ୍ରେସରୁ ବିନୋଦ ବିହାରୀ ନାୟକଙ୍କ ମଧ୍ୟରେ ଫାଇଟ ହେବ । ତୃତୀୟ ପର୍ଯ୍ୟାୟ ନିର୍ବାଚନରେ ବିଭିନ୍ନ ବିଧାନସଭା ଆସନରେ ତିନି ଦଳର ହେଭିୱେଟଙ୍କ ଭାଗ୍ୟ ପରୀକ୍ଷା ହେବ । ଏଥିପାଇଁ ତିନି ଦଳ ହାଇଭୋଲଟେଜ କ୍ୟାମ୍ପେନ କରିଛନ୍ତି । ଗତକାଲି କଟକରେ ବିଜେଡି ବିରାଟ ଶକ୍ତି ପ୍ରଦର୍ଶନ କରିଛି । କଟକ ବାଲିଯାତ୍ରା ପଡ଼ିଆରେ ମୁଖ୍ୟମନ୍ତ୍ରୀ ପ୍ରଚାର କରିଥିବା ବେଳେ ଉତ୍ତର ଭୁବନେଶ୍ବରରେ ମେଗା ରୋଡ ସୋ କରିଛନ୍ତି । ସେହିପରି ବିଜେପି ପ୍ରଚାରକ ପାଇଁ ବହୁ ଷ୍ଟାର ପ୍ରଚାରକ ମଇଦାନକୁ ଓହ୍ଲାଇଛନ୍ତି ।