କେନ୍ୟୁଜ୍(ବ୍ୟୁରୋ): ବାତ୍ୟା ଜଓ୍ଵାଦ ଜନିତ କ୍ଷୟକ୍ଷତିର ଆକଳନ ପାଇଁ ଓଡ଼ିଶାରେ ପହଞ୍ଚିଲେ କେନ୍ଦ୍ରୀୟ ଟିମ୍ । ଗତକାଲି ଭୁବନେଶ୍ୱରରେ ଏକ ୪ ଜଣିଆ ଟିମ୍ ପହଞ୍ଚିଛି । କେନ୍ଦ୍ର ଗୃହ ବିଭାଗ ଅଧୀନରେ ଥିବା CEPI ବିଭାଗର ଯୁଗ୍ମ ସଚିବ ସୌରଭ ରାୟଙ୍କ ନେତୃତ୍ୱରେ ଆସିଥିବା ଏହି ଟିମ୍ ଜଓ୍ଵାଦ ପ୍ରଭାବିତ ଅଞ୍ଚଳ ଗସ୍ତ କରିବ । ଏହି ଟିମ୍ ୩ ଦିନିଆ ଓ଼ଡ଼ିଶା ଗସ୍ତରେ ଆସିଛି ।
୬ଟି ଜିଲ୍ଲା କଟକ, ଯାଜପୁର, ଗଞ୍ଜାମ, ପୁରୀ, କେନ୍ଦ୍ରାପଡ଼ା ଓ ଜଗତସିଂହପୁରକୁ ଗସ୍ତ କରି କ୍ଷୟକ୍ଷତିର ଆକଳନ କରିବ କେନ୍ଦ୍ରୀୟ ଟିମ୍ । ଏହାପରେ କେନ୍ଦ୍ର ସରକାରଙ୍କୁ ରିପୋର୍ଟ ଦେବେ । ଆଜି୪ ଜଣିଆ କେନ୍ଦ୍ରୀୟ ଟିମ ସହ SRC ପ୍ରଦୀପ ଜେନା ଆଲୋଚନା କରିଛନ୍ତି ।