ବାରିପଦା (କେନ୍ଯୁଜ୍) : ୨୪ ଘଣ୍ଟା ପରେ ମାଆ କୋଳକୁ ଫେରିଲା ପୁଅ । ବାରିପଦା ଶିଶୁ ଅପହରଣ ଘଟଣାର ପର୍ଦ୍ଦାଫାସ ହୋଇଛି । ଏହି ଘଟଣାରେ ଟିକି ମହାନ୍ତ ନାମକ ଜଣେ ମହିଳାଙ୍କୁ ଗିରଫ କରାଯାଇଛି । ଶନିବାର ସେକ୍ ରାଜନଙ୍କ ପୁଅର ଦେହ ଖରାପ ହେବାରୁ ତାକୁ ବାରିପଦା ମେଡିକାଲ ନିଆଯାଇଥିଲା ।
ସେଠାରେ ଅଞ୍ଜନା ନାମକ ଜଣେ ମହିଳା ନିଜକୁ ନର୍ସର ପରିଚୟ ଦେଇ ସେକ୍ ରାଜନଙ୍କ ସ୍ତ୍ରୀଙ୍କ ସହ ବନ୍ଧୁତା କରିଥିଲେ । ତାଙ୍କ ଘରକୁ ମଧ୍ୟ ଯାଇଥିଲେ ସଂପୃକ୍ତ ମହିଳା । ରବିବାର ସଂନ୍ଧ୍ୟାରେ ଅଞ୍ଜନା ଘରୁ ତାଙ୍କ ପୁଅକୁ ନେଇ ପଳାଇଥିବା ନେଇ ବାରିପଦା ଟାଉନ ଥାନାରେ ଅଭିଯୋଗ ହୋଇଥିଲା ।