କରୋନା ପାଇଁ ଦରମା କଟକଣା, ଅଧା ଦରମା ଏବେ ଆଉ ଅଧା ଦରମା ପରେ ନେବେ ରାଜ୍ୟର ସମସ୍ତ IAS, IPS ଓ IFS ଅଫିସର
କେନ୍ୟୁଜ(ବ୍ୟୁରୋ): କରୋନା ପାଇଁ ରାଜ୍ୟରେ ଜାରି ହେଲା ଦରମା କଟକଣା । ସମ୍ପୂର୍ଣ୍ଣ ଦରମାର ୭୦ ପ୍ରତିଶତ ପାଇବେନି ମୁଖ୍ୟମନ୍ତ୍ରୀ, ମନ୍ତ୍ରୀ, ବିଧାୟକ ଓ ନିଗମ ଅଧ୍ୟକ୍ଷ । ବର୍ତ୍ତମାନ ସେମାନେ ୩୦ ପ୍ରତିଶତ ଦରମା ପାଇବେ । ଏହି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ସେହିପରି IAS, IPS ଓ IFS ଅଫିସରଙ୍କ ସମ୍ପୂର୍ଣ୍ଣ ଦରମାର ୫୦ ପ୍ରତିଶତ ସ୍ଥଗିତ ରଖାଯିବ । ସ୍ଥଗିତ ରହିଥିବା ଦରମାକୁ ପରେ ପ୍ରଦାନ କରାଯିବ । ସ୍ଥିତି ସୁଧାରିବା ପରେ ସେହି ଦରମା ପାଇବେ ।
ଏହି ନିଷ୍ପତ୍ତିକୁ ରାଜ୍ୟ ଆଇପିଏସ୍ ସଂଘ ସ୍ୱାଗତ କରିଛି । ବର୍ତ୍ତମାନର ଘଡ଼ିସନ୍ଧି ସମୟରେ ଅର୍ଥନୈତିକ ସ୍ଥିତିକୁ ଦେଖି ରାଜ୍ୟ ସରକାର ଯେଉଁ ନିଷ୍ପତ୍ତି ନେଇଛନ୍ତି ତାକୁ ଆମେ ସମର୍ଥନ କରୁଛୁ ବୋଲି ଆଇପିଏସ୍ ସଂଘ ଏକ ପ୍ରେସ୍ ବିଜ୍ଞପ୍ତିରେ ଜଣାଇଛି । ସେହିପରି ଆଇଏଏସ୍ ଅଫିସର୍ସ ସଂଘ ମଧ୍ୟ ଏହାକୁ ସମର୍ଥନ କରିଛି ।
