ରକ୍ତ ସମ୍ପର୍କରେ ଛିଟା । ବାପାକୁ ଠେଙ୍ଗାରେ ମାଡ ମାରିବା ସହ ନିଜ ଜନ୍ମକଲା ମାଆକୁ ଜୀଅନ୍ତା ଜାଳିଦେଲା ପୁଅ । ବଲାଙ୍ଗିର ଜିଲ୍ଲା ବେଲପଡା ଥାନା ରାଡବାହାଲ ଗାଁରେ ଘଟିଛି ଏଭଳି ଅମାନୁଷିକ ଘଟଣା । ଆଜି ସକାଳେ କୌଣସି କାରଣରୁ ବାପା ଋଷି ଖର୍ସେଲଙ୍କ ସହ ପୁଅ ସନ୍ତୋଷ ଖର୍ସେଲର ବଚସା ହୋଇଥିଲା। ଏଥିରେ ପୁଅ ସନ୍ତୋଷ ରାଗିଯାଇ ବାପାକୁ ଠେଙ୍ଗାରେ ଆକ୍ରମଣ କରିଥିଲା । ଏନେଇ ମାଆ ଆଶାମତି ଗାଁଲୋକଙ୍କୁ ଡାକି ସମାଧାନ କରିବା ପାଇଁ ଋଷି ଖର୍ସେଲଙ୍କୁ ପଠାଇଥିଲେ । ଏହି ସମୟରେ ପୁଅ ନିଜର ୭୫ ବର୍ଷିୟ ଶଯ୍ୟାଶାୟୀ ମାଆକୁ କିରୋସିନ ଢ଼ାଳି ଜାଳିଦେଇଥିଲା । ଫଳରେ ଆଶାମତିଙ୍କ ମୃତ୍ୟୁ ହୋଇଥିଲା । ଘଟଣା ପରେ ପୋଲିସ ଅଭିଯୁକ୍ତ ପୁଅକୁ ଗିରଫ କରି ତଦନ୍ତ ଚଲାଇଛି।