ଯାଜପୁର ରୋଡ୍: ଯାଜପୁର କୋରେଇ ବ୍ଲକରେ ଲାଗିରହିଛି ଅଚଳାବସ୍ଥା। ବିଗତ ୨ ବର୍ଷରୁ ଉର୍ଦ୍ଧ୍ୱ ହେବ ବସିନି ପଞ୍ଚାୟତ ସମିତି ବୈଠକ। ବିଡିଓଙ୍କ ନିକଟରେ ବାରମ୍ବାର ଅଭିଯୋଗ ହେଉଥିଲେ ବି ବୈଠକ ହେଉନାହିଁ। ଫଳରେ ଅସନ୍ତୋଷ ତେଜିବାରେ ଲାଗିଛି।
ଏନେଇ ବ୍ଲକ ଅଧ୍ୟକ୍ଷା ଓ ସମସ୍ତ ସମିତିସଭ୍ୟାଙ୍କ ପକ୍ଷରୁ ବ୍ଲକ ସ୍ତରରେ ସାମ୍ବାଦିକ ସମ୍ମିଳନୀ କରାଯାଇଥିଲା। ବୈଠକ ନହେବା ଯୋଗୁ ବ୍ଲକରେ ବ୍ୟାପକ ଦୁର୍ନୀତି ହେଉଥିବା ଅଭିଯୋଗ ହୋଇଛି। ତୁରନ୍ତ ପଞ୍ଚାୟତ ସମିତି ବୈଠକ କରାନଗଲେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।