କଟକରେ ପୁଣି ଏନକାଉଣ୍ଟର
କଟକ (କେ ନ୍ୟୁଜ୍) : ପୁଣି ଏନକାଉଣ୍ଟର । ଗତକାଲି ମଧୁପାଟଣା ଅଞ୍ଚଳରେ ଏନକାଉଣ୍ଟର କରିଛି କମିଶନରେଟ୍ ପୋଲିସର ସ୍ୱତନ୍ତ୍ର ସ୍କ୍ଵାଡ୍ । ଏନକାଉଣ୍ଟରରେ ଅପରାଧୀ ଚିକୁ ଓରଫ ଅନୀଲ ବେହେରା ଆହତ ହୋଇଛି, ତା ଗୋଡ଼ରେ ଗୁଳି ବାଜିଛି । ତାକୁ ଏସସିବିରେ ଭର୍ତ୍ତି କରାଯାଇଛି । ପୁରୀଘାଟ ଅଞ୍ଚଳରେ ହୋଇଥିବା ୭ ଲକ୍ଷ ୫୦ ହଜାର ଟଙ୍କା ଲୁଟ୍ ମାମଲାରେ ସେ ସଂପୃକ୍ତ ଥିଲା ।
ପୋଲିସ କାବୁ କରିବାକୁ ଯିବାବେଳେ ଚିକୁ ଗୁଳି ଚାଳନା କରିଥିଲା । ପୋଲିସର ପାଲଟା ଗୁଳିରେ ସେ ଆହତ ହୋଇଛି । ଏ ନେଇ ସୂଚନା ଦେଇଛନ୍ତି କଟକ ଡିସିପି ଅଖିଳେଶ୍ୱର ସିଂହ ।
