ବରଗଡ଼ (କେନ୍ୟୁଜ୍) : କିରୋସିନି ଢାଳି ହୋଇ ଯୁବତୀଙ୍କ ଆତ୍ମହତ୍ୟା ଉଦ୍ୟମ । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ବରଗଡ ମୁଖ୍ଯ ଚିକିତ୍ସାଳୟ ଏବଂ ପରେ ବୁର୍ଲା ବଡ ଡାକ୍ତରଖାନାକୁ ସ୍ଥାନନ୍ତରିତ କରାଯାଇଛି ।
ସୂଚନା ଅନୁସାରେ, ଯୁବତୀ ଜଣକ ହେଉଛନ୍ତି ବରଗଡ ଜିଲ୍ଲା ସଦର ବ୍ଲକ ଅନ୍ତର୍ଗତ ଖଳିଆପାଲି ଗାଁର ଅଞ୍ଜଲି ଗୁରୁ । ସେ ବରଗଡ ମହିଳା ମହାବିଦ୍ୟାଳୟର +୨ କମର୍ସର ଛାତ୍ରୀ । ଆଜି କଲେଜରୁ ପାଠ ପଢା ସାରି ଘରକୁ ଫେରିଥଲେ । ତେବେ ଘରେ ହଠାତ ନିଜ ଦେହରେ କିରୋସିନ ଢାଳି ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ ବୋଲି କୁହାଯାଉଛି । ହେଲେ କେଉଁ କାରଣ ପାଇଁ ସେ ଏଭଳି ନିଷ୍ପତ୍ତି ନେଲେ ତାହା ସ୍ପଷ୍ଟ ଭାବେ ଜଣା ପଡିନାହିଁ । ଅଞ୍ଜଲିଙ୍କ ଶରୀରର ୯୫ ଭାଗ ପୋଡ଼ି ଯାଇଥିବା ଡାକ୍ତରଙ୍କ ଠାରୁ ସୂଚନା ମିଳିଛି ।