ଯାଜପୁର ସାମାନ୍ୟ ବଚସାକୁ ନେଇ ହତ୍ୟାକାଣ୍ଡ, ଗୋଇଠା ମାଡରେ ମୃତ୍ୟୁ
ଯାଜପୁର (କେନ୍ୟୁଜ୍) : ସାମାନ୍ୟ ବଚସାକୁ ନେଇ ହତ୍ୟାକାଣ୍ଡ। ମୃତକ ହେଲେ ଯାଜପୁର ଜିଲ୍ଲା ଜାରକା ଶଅର ସାହିର ସନାତନ ସାମଲ । ଶଙ୍ଖାରଢିହ ବଜାରରେ ସନାତନଙ୍କ ସହ ଗିରିମଣ୍ଡଳଙ୍କର ବଚସା ହୋଇଥିଲା । ଏଥିରେ ଉତ୍ତେଜିତ ହୋଇ ଗିରି ମଣ୍ଡଳ ସନାତନଙ୍କ ତଳି ପେଟକୁ ଗୋଇଠା ମାରିଥିଲେ । ଗୁରୁତର ଅବସ୍ଥାରେ ସନାତନଙ୍କୁ ଧର୍ମଶାଳା ମେଡିକାଲକୁ ନେବା ବାଟରେ ହିଁ ତାଙ୍କର ମୃତ୍ୟୁ ହୋଇଥିଲା ।
ଏନେଇ ସ୍ଥାନୀୟ ଲୋକେ ଓ ସନାତନଙ୍କ ପରିବାର ୧୬ ନଂ ଜାତୀୟ ରାଜପଥ ଶଙ୍ଖାଡିହଠାରେ ମୃତଦେହକୁ ରଖି ରାସ୍ତା ଅବରୋଧ କରିଥିଲେ । ଅଭିଯୁକ୍ତକୁ ଗିରଫ ସହ କ୍ଷତିପୂରଣ ଦାବି କରିଥିଲେ । ଧର୍ମଶାଳା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାଶୁଝା କରିବା ପରେ ରାସ୍ତାରୋକ ହଟିଥିଲା । ଅଭିଯୁକ୍ତ ଗିରି ମଣ୍ଡଳକୁ ଥାନାରେ ଅଟକ ରଖିଛି ପୋଲିସ ।
