ମାଆ ଓ ପୁଅଙ୍କୁ ଘର ଭିତରେ ପୋଡି ହତ୍ୟା ଘଟଣାର ପର୍ଦାଫାଶ, ଅଭିଯୁକ୍ତ ଦେବାଶିଷ ଦାସକୁ ଗିରଫ କରିଛି ପୋଲିସ୍
ଆନନ୍ଦପୁର: କେନ୍ଦୁଝର ନନ୍ଦିପଦା ଥାନା କଳିଗାଁଠାରେ ଗତ ୯ ତାରିଖ ଦିନ ବୃଦ୍ଧ ମାଆ ଓ ପୁଅଙ୍କୁ ଘର ଭିତରେ ପୋଡି ହତ୍ୟା କରାଯାଇଥିବା ଘଟଣାର ପର୍ଦାଫାଶ। ଅଭିଯୁକ୍ତ କଳିଗାଁ ଗାଁର ଦେବାଶିଷ ଦାସକୁ ଗିରଫ କରିଛି ପୋଲିସ। ଗଞ୍ଜେଇ ପାଇଁ ମାଆ-ପୁଅଙ୍କୁ ହତ୍ୟା କରାଯାଇଥିବା ଜଣାପହିଛି। ହତ୍ୟାକାରୀକୁ ଧରିବା ପରେ ପୋଲିସ ଏହି ସୂଚନା ଦେଇଛି।
ପୋଲିସ ସୂଚନା ମୁତାବକ, ନିଶା ପାଇଁ ଗଞ୍ଜେଇ ନ ଦେବାରୁ ଦେବାଶିଷ ପ୍ରଥମେ ପକ୍ଷାଘାତରେ ପୀଡ଼ିତ ଯୁବକ ବନମାଳୀକୁ ପିଟି ପିଟି ହତ୍ୟା କରିଥିଲା। ପରେ ୮୦ ବର୍ଷର ବୃଦ୍ଧାଙ୍କୁ ମଧ୍ୟ ହତ୍ୟା କରିଥିଲା। ଏହପରେ ପଟ୍ରୋଲ ଢାଳି ନିଆଁ ଲଗାଇ ଦେଇଥିଲା ବୋଲି ଦେବାଶିଷ କହିଛି।
