କରୋନା ଯୋଦ୍ଧାଙ୍କୁ ସମ୍ମାନ ଜଣାଇଲା କିଟ ଓ କିମସ, ଏକ ସ୍ୱରରେ ଗାଇଲେ “ବନ୍ଦେ ଉତ୍କଳ ଜନନୀ”
କରୋନା ଯୋଦ୍ଧାଙ୍କୁ ସମ୍ମାନ ଜଣାଇବା ସହ ସେମାନଙ୍କୁ ଉତ୍ସାହିତ କରିବା ପାଇଁ କିଟ୍, କିମସ ଓ କିସର ପଦାଧିକାରୀ ଓ କର୍ମଚାରୀମାନେ ବନ୍ଦେ ଉତ୍କଳ ଜନନୀ ଗାନ କରିଛନ୍ତି । ମାସିକ ପାରିବାରିକ ପତ୍ରିକା କାଦମ୍ବିନୀ ପକ୍ଷରୁ ମଧ୍ୟ ବନ୍ଦେ ଉତ୍କଳ ଜନନୀ ଗାନ କରାଯାଇଛି। ମୁଖ୍ୟମନ୍ତ୍ରୀଙ୍କ ଆହ୍ଵାନ କ୍ରମେ ସାମାଜିକ ଦୂରତା ରଖି ସମୂହ ବନ୍ଦେ ଉତ୍କଳ ଜନନୀ ଗାନ କରାଯାଇଛି । ଏହି ଅବସରରେ କରୋନା ଆକ୍ରାନ୍ତଙ୍କୁ ନିରନ୍ତର ସେବା ଯୋଗାଇ ଆସୁଥିବା କିମ୍ସ କୋଭିଡ ହସପିଟାଲରେ ନିୟୋଜିତ ଡାକ୍ତର ଓ ଅନ୍ୟ ସମସ୍ତ କର୍ମଚାରୀଙ୍କୁ ସେମାନଙ୍କ ସେବା ପାଇଁ କିଟ୍, କିସ ଓ କିମ୍ସର ପ୍ରତିଷ୍ଠାତା ଡକ୍ଚର ଅଚ୍ୟୁତ ସାମନ୍ତ ଧନ୍ୟବାଦ ଜଣାଇଛନ୍ତି ।
ଦୁଇ ଦିନ ତଳେ ମୁଖ୍ୟମନ୍ତ୍ରୀଙ୍କ ଅପିଲ କରିବା ପରେ ଗତ କାଲି ସନ୍ଧ୍ୟା ୫.୩୦ ମିନିଟ ସମୟରେ ପରିସରରେ ଏକାଠି ହୋଇଥିଲେ କିଟ୍, କିସ୍ ଓ କିମ୍ସର ପଦାଧିକାରୀ ଓ କର୍ମଚାରୀ । ପରିଚାଳକଙ୍କ ତରଫରୁ ଏକ ସ୍ୱତନ୍ତ୍ର ଆୟୋଜିତ ହୋଇଥିଲା ସ୍ୱତନ୍ତ୍ର କାର୍ଯ୍ୟକ୍ରମ ।କାର୍ଯ୍ୟକ୍ରମ ଆରମ୍ଭରୁ “ବନ୍ଦେ ଉତ୍କଳ ଜନନୀ” ର ଭାଓଲେନ୍ ପରିବେଷଣ କରିଥିଲେ ଶିଶୁ କଳାକାର ରାକେଶ ବିଶ୍ୱାଳ । ଏହାପରେ ସେଠାରେ ଉପସ୍ଥିତ ଥିବା ସମସ୍ତେ ସମସ୍ତେ ଏକସ୍ୱରରେ ବନ୍ଦେ ଉତ୍କଳ ଜନନୀ ଗାନ କରିଥିଲେ । କାର୍ଯ୍ୟକ୍ରମରେ ଉପସ୍ଥିତ ରହି ଉତ୍କଳ ମାତାର ଜୟଗାନ କରିଥିଲେ କିଟ୍ ଓ କିସ୍ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡକ୍ଟର ଅଚ୍ୟୁତ ସାମନ୍ତ ।
ଏହା ସହ କରୋନା ଯୋଦ୍ଧାଙ୍କ ସମ୍ମାନ ଲାଗି ମୁଖ୍ୟମନ୍ତ୍ରୀଙ୍କ ଏହି ଆହ୍ଵାନଙ୍କୁ ପ୍ରଶଂସା କରିଥିଲେ ଡକ୍ଟର ସାମନ୍ତ । ଏହା କରୋନା କର୍ମବୀରଙ୍କୁ ଉତ୍ସାହିତ କରିବା ସହ ସେମାନଙ୍କ ମନୋବଳ ବଢ଼ାଇବ ବୋଲି କହିଛନ୍ତି ଡକ୍ଟର ଅଚ୍ୟୁତ ସାମନ୍ତ । କହିରଖିବା ଉଚିତ ହେବକି ଏହା ପୂର୍ବରୁ ଭାରତୀୟ ବାୟୁସେନା ପକ୍ଷରୁ କରୋନା ଯୋଦ୍ଧାଙ୍କୁ ସମ୍ମାନ ଜଣାଇ ମେ ୩ ତାରିଖରେ ଆକାଶରୁ ପୁଷ୍ପ ବର୍ଷା କରାଯାଇଥିଲା ।
