ଗଣଶିକ୍ଷା ମନ୍ତ୍ରୀଙ୍କ ମାହାନତା, ଦୁର୍ଘଟଣାରେ ଗୁରୁତରଙ୍କୁ ନିଜ ଗାଡ଼ିରେ ଆଣି ହସ୍ପିଟାଲରେ ଭର୍ତ୍ତି କଲେ ମନ୍ତ୍ରୀ ସମୀର ଦାଶ
କେନ୍ୟୁଜ୍(ବ୍ୟୁରୋ): ମାନବିକତା ଦେଖାଇଲେ ମନ୍ତ୍ରୀ । ଦୁର୍ଘଟଣାରେ ଗୁରୁତରଙ୍କୁ ନିଜ ଗାଡ଼ିରେ ଆଣି ହସ୍ପିଟାଲରେ ଭର୍ତ୍ତି କଲେ ଗଣଶିକ୍ଷା ମନ୍ତ୍ରୀ ସମୀର ଦାଶ । ନିମାପଡ଼ା ଅଞ୍ଚଳରେ ଏକ ଦଳୀୟ କାର୍ଯ୍ୟକ୍ରମରେ ଯୋଗ ଦେଇ ଫେରୁଥିଲେ ମନ୍ତ୍ରୀ ।
ପିପିଲି ଅନ୍ତର୍ଗତ ମତ୍ସ୍ୟ ପ୍ରଜନନ ଓ ଗବେଷଣା କେନ୍ଦ୍ର ନିକଟରେ ଦୁର୍ଘଟଣାରେ ଜଣେ ଅଜଣା ବ୍ୟକ୍ତି ଆହତ ହୋଇଥିଲେ । ତାଙ୍କୁ ଅଚେତ ଅବସ୍ଥାରେ ଉଦ୍ଧାର କରି ନିଜ ଗାଡ଼ିରେ ଆଣି ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲେ ମନ୍ତ୍ରୀ ସମୀର ଦାଶ ।