ଭୁବନେଶ୍ୱର: କିସ୍ ବିଶ୍ୱବିଦ୍ୟାଳୟରେ ଅନୁଷ୍ଠିତ ହୋଇଛି ମହା-ଅଭିଭାବକ ସମ୍ମିଳନୀ । କରୋନା କଟକଣା ମଧ୍ୟରେ ଭର୍ଚୁଆଲ ମିଟରେ ସମ୍ମିଳନୀ ହୋଇଛି। ଏଥିରେ ରାଜ୍ୟ ତଥା ରାଜ୍ୟ ବାହାରର ଅଭିଭାବକ ସାମିଲ ହୋଇଥିଲେ । କିଟ୍ ଓ କିସ୍ ପ୍ରତିଷ୍ଠାତା ଡ.ଅଚ୍ୟୁତ ସାମନ୍ତଙ୍କୁ ସମସ୍ତେ ଧନ୍ୟବାଦ ଜଣାଇଛନ୍ତି। କିସ୍ ଆଦିବାସୀ ପିଲାଙ୍କ ପାଇଁ ମଣିଷ ତିଆରି କାରଖାନା ବୋଲି କହିଥିଲେ ବଲାଙ୍ଗୀର ଆଦିବାସୀ ସଂଘର ମହାସଚିବ ନିରଞ୍ଜନ ବିଶି । କିସ୍ ଆଦିବାସୀ ପିଲାଙ୍କୁ ଭାଗ୍ୟ ଗଢୁଛି ବୋଲି ମଧ୍ୟ ସେ କହିଛନ୍ତି ।
ଏଥିସହ ଯାଜପୁର କଳିଙ୍ଗନଗର ଶିଳ୍ପାଞ୍ଚଳର ଗୋବରଘାଟି ପଞ୍ଚାୟତ କ୍ଲବ ଘରେ ମଧ୍ୟ କିସ୍ର ମହା-ଅଭିଭାବକ ସମ୍ମିଳନୀ ଅନୁଷ୍ଠିତ ହୋଇଛି। ଏଥିରେ ୯ଟି ବ୍ଲକରୁ କିସ୍ରେ ପାଠ ପଢୁଥିବା ସମସ୍ତ ଛାତ୍ରଛାତ୍ରୀ ଓ ଅଭିଭାବକ ଯୋଗଦେଇଥିଲେ। ଅନ୍ୟପଟେ ନୂଆପଡା ଜିଲ୍ଲା କିସ୍ ଅଭିଭାବକ ସଂଘ ପକ୍ଷରୁ ଭର୍ଚୁଆଲରେ ସାମିଲ ହୋଇଥିଲେ ପରମାନନ୍ଦ ଭୋଇ। କିଟ୍ ଓ କିସ୍ ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତଙ୍କ ସହ ସେ ସିଧାସଳଖ ଯୋଡି ହୋଇ ଛାତ୍ରଛାତ୍ରୀଙ୍କ ପାଠପଢା ବିଷୟରେ ବୁଝିଥିଲେ। ସେହିପରି ରାଜ୍ୟର ବିଭିନ୍ନ ସ୍ଥାନର ଅଭିଭାବକ ଆଜି ଅନୁଷ୍ଠିତ ହୋଇଥିବା ମିଟିଂ ରେ ଯୋଗ ଦେଇ ଡ.ସାମନ୍ତଙ୍କ ସହ ଆଲୋଚନା କରିଛନ୍ତି।