କେନ୍ୟୁଜ୍(ବ୍ୟୁରୋ): ଭୁବନେଶ୍ୱରରେ ପୁଣି ମାତିଲେ ଏଟିଏମ ଲୁଟେରା। ଇନଫୋସିଟି ଥାନା ଅଧିନସ୍ଥ ପଟିଆ ଷ୍ଟେସନ ରୋଡ୍ରେ ଥିବା ପଞ୍ଜାବ ନ୍ୟାସନାଲ ବ୍ୟାଙ୍କ(PNB) ଏଟିଏମ୍ରୁ ଲକ୍ଷାଧିକ ଟଙ୍କା ଲୁଟିନେଲା ଲୁଟେରା । ଏଟିଏମ ମେସିନ ଭିତରେ ଥିବା ୨୭ ଲକ୍ଷ ୮୪ ହଜାର ଟଙ୍କା ଲୁଟ୍ ହୋଇଥିବା ଜଣାପଡ଼ିଛି । ଗ୍ୟାସ୍ କଟରରେ କାଟି ଏହି ଟଙ୍କା ସବୁ ଦୁର୍ବୃତ୍ତମାନେ ଲୁଟ କରିଛନ୍ତି । ଏନେଇ ଇନ୍ଫୋସିଟି ଥାନାରେ ଏତଲା ଦିଆଯାଇଛି।
ମିଳିଥିବା ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଦୁର୍ବୃତ୍ତମାନେ ଗ୍ୟାସ୍ କଟରରେ ଏଟିଏମର ମେସିନକୁ କାଟି ସେଥିରେ ଥିବା ୨୮ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି। ଏ ନେଇ ATM ମେଣ୍ଟେନାନ୍ସ ଦାୟିତ୍ୱରେ ଥିବା କର୍ମଚାରୀ ଇନଫୋସିଟି ଥାନାରେ ଆଜି ଅଭିଯୋଗ କରିଛନ୍ତି।
ଘଟଣାସ୍ଥଳରେ ଇନଫୋସିଟି ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଛି। କୁହାଯାଉଛି କି ଏଟିଏମର ସିସିଟିଭି ଅଚଳ ଥିଲା । ତେଣୁ ଆଖପାଖର ସିସିଟିଭି ଫୁଟେଜରୁ ପୋଲିସ ଅନୁଧ୍ୟାନ କରିବ ବୋଲି ଜଣା ପଡିଛି।