ବୋରୱେଲରେ ନବଜାତ ଶିଶୁ, ସୁରକ୍ଷିତ ଉଦ୍ଧାର ପାଇଁ ଚାଲିଛି ପ୍ରଚେଷ୍ଟା

ସମ୍ବଲପୁର : ସମ୍ବଲପୁର ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ଲାରିପାଲି ଗ୍ରାମ ନିକଟସ୍ଥ ଶ୍ରୀରାମ ପଡିଆ ଠାରେ ଥିବା ଏକ ପରିତ୍ୟକ୍ତ ବୋରୱେଲରେ ଆଜି ଅପରାହ୍ନ ସମୟରେ ଜଣେ ମହିଳା ପ୍ରସବ ପରେ ନବଜାତ ଶିଶୁକୁ ଉକ୍ତ ବୋରୱେଲରେ ପକାଇ ଦେଇଥିବା ଅଭିଯୋଗ ହୋଇଛି l

ସ୍ଥାନୀୟ ଲୋକ ଏନେଇ ଜାଣିଲା ପରେ ଅଗ୍ନିଶମ ବାହିନୀ, ପୋଲିସ, ସ୍ୱାସ୍ଥ୍ୟ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି l ବୋରୱେଲ ଭିତରକୁ ଆକ୍ସିଜେନ ଦିଆ ଯାଉଛି l ସେପଟେ ୩ ଟି ଜେସିବି ସାହାର୍ଯ୍ୟରେ ମାଟି ଖୋଳା ଚାଲିଛି l ଘଟଣାସ୍ଥଳରେ ପୋଲିସ, ଡାକ୍ତର, ଅଗ୍ନିଶମ ଅଧିକାରୀ, ପ୍ରଶାସନିକ ଅଧିକାରୀ ପହଁଚି ଶିଶୁଟିକୁ କିପରି ସୁରକ୍ଷିତ ବାହାର କରିବେ, ସେନେଇ ପ୍ରଚେଷ୍ଟା ଚାଲିଛି l