ଟିପ ବଦଳରେ ଏବେ ଆଖି ସ୍କାନିଙ୍ଗରେ ମିଳିବ ରାସନ ସାମଗ୍ରୀ, ହିତାଧିକାରୀଙ୍କୁ ହେବ ଆହୁରି ସୁବିଧା
ପିପିଲି: ଲୋକମାନଙ୍କୁ ଖାଦ୍ୟ ଯୋଗାଇବା ପାଇଁ ଉଭୟ କେନ୍ଦ୍ର ଓ ରାଜ୍ଯ ସରକାର ଖାଉଟି କଲ୍ଯାଣ ଯୋଜନା ମାଧ୍ଯମରେ ରାସନକାର୍ଡ଼ ଯୋଗାଇଦେଇଛନ୍ତି । ଯେଉଁଥିରେ ହୀତାଧିକାରୀମାନେ ମେସିନ ସାହାର୍ଯ୍ଯରେ ସେମାନଙ୍କ ଟିପ ଚିହ୍ନ ଦେଇ ରାସନ ସାମଗ୍ରୀ ନେଇଥାନ୍ତି। ତେବେ ବିର୍ତ୍ତମାନ ଆଉ ସେମାନଙ୍କୁ ଟିପ ଦେବାକୁ ପଡିବନି। ତା ବେବଦଳରେ ହିତାଧିକାରୀମାନେ ଆଖି ସ୍କାନିଙ୍ଗରେ ରାସନ ନେବେ ।
ଦିନକୁ ଦିନ ସବୁଠାରେ ନୂତନ ନିୟମ ଲାଗୁ କରାଯାଉଥିବାବେଳେ, ଏଠାରେ ମଧ୍ଯ ବଦଳିଛି ନିୟମ । ଦେଶରେ ଅନାହାରରେ କେହି ରହିବେ ନାହିଁ ।ଯାହାକୁ ନଜରରେ ରଖି କେନ୍ଦ୍ର ସରକାର ଖାଦ୍ୟ ସୁରକ୍ଷା ଯୋଜନାରେ ଯୋଗାଇ ଦେଇଛନ୍ତି ରାସନକାର୍ଡ଼ । ସେହିପରି ରାଜ୍ଯ ସରକାର ଆଉ ଦୁଇ ପାଦ ଆଗେଇ ନିଜସ୍ୱ ଯୋଜନାରେ ଯୋଗାଇଦେଇଛନ୍ତି ରାସନକାର୍ଡ଼ । ଏହି କାର୍ଡ଼ ମାଧ୍ଯମରେ ଲୋକେ ସେମାନଙ୍କ ମାସିକ ଖାଦ୍ୟ ଭାବରେ ଚାଉଳ ଏବଂ ଅତ୍ଯାବଶ୍ଯକ ସାମଗ୍ରୀ ଭାବରେ କିରୋସିନିକୁ ନେଉଛନ୍ତି । ତେବେ ଏଥିପାଇଁ ସେମାନଙ୍କୁ ଟିପ୍ ଦେବାକୁ ପଡ଼ୁଥିଲା । ବୟସ୍କ ବ୍ଯକ୍ତିଙ୍କୁ ଟିପ ଦେବା ବେଳେ ନାନା ଅସୁବିଧାର ସମ୍ମୁଖୀନ ହେବାକୁ ପଡ଼ୁଥିଲା ଡ଼ିଲର ମାନଙ୍କୁ । କିନ୍ତୁ ଏବେ ଟିପ ବଦଳରେ ଆଖି ସ୍କାନିଙ୍ଗ କରାଯିବ । ଯାହା ଡ଼ିଲରମାନଙ୍କୁ ରାସନ ସାମଗ୍ରୀ ଦେବା ପାଇଁ ସୁବିଧା ହେବ ।
ଖାଉଟି ସାମଗ୍ରୀ ବଂଟନ ମେସିନରେ ଟିପ ଦିଆଯାଇ ହିତାଧିକାରୀଙ୍କୁ ରାସନ ଯୋଗଇ ଦିଆଯାଉଥିଲା । ଏଥିରେ ଅନେକ ଅସୁବିଧା ରହୁଥିବାବେଳେ ଏବେ ଏହାକୁ ସୁଧାର ଆଣିବା ପାଇଁ ପୁରୀ ଜିଲ୍ଲା ଡ଼େଲାଙ୍ଗ ବ୍ଲକରେ ଡ଼ିଲରମାନଙ୍କୁ ଏ ସମ୍ପର୍କରେ ସଚେତନ କରାଇବା ସହିତ କିପରି ଭାବରେ ଆଖି ସ୍କାନିଙ୍ଗରେ ହିତାଧିକାରୀଙ୍କୁ ଖାଉଟି ସାମଗ୍ରୀ ବଂଟନ କରାଯିବ ସେ ସମ୍ପର୍କରେ ଡ଼ିଲରମାନଙ୍କୁ ପ୍ରଶିକ୍ଷକ ପ୍ରଶିକ୍ଷଣ ଦେଇଥିଲେ । ତେବେ ରାଜ୍ଯ ସରକାରଙ୍କ ଏଭଳି ପଦକ୍ଷେପକୁ ଡ଼ିଲରମାନେ ସ୍ୱାଗତ କରିଛି। ସେପଟେ ଯୋଗାଣ ଅଧିକାରୀ କହିଛନ୍ତି ଏହି ସୁଧାର ମାଧ୍ଯମରେ ସମସ୍ତେ ସଠିକ୍ ଭାବରେ ଏବଂ ସୁବିଧାରେ ଖାଉଟି ସାମଗ୍ରୀ ନେଇ ପାରିବେ ।
