ସୋରଡା(କେନ୍ୟୁଜ): ସୋରଡା ଥାନା ଗୋବିନ୍ଦପୁର ଗ୍ରାମରେ ଗତକାଲି ଅପରାହ୍ନରେ ବଜ୍ରାଘାତରେ ଜଣଙ୍କ ମୃତ୍ଯୁ ହୋଇଥିବା ଜଣାପଡିଛି।ଗ୍ରାମର ଜଣେ ବୃଦ୍ଧ ମୃତ୍ଯୁବରଣ କରିଛନ୍ତି । ମୃତ ବ୍ଯକ୍ତିଙ୍କ ନାମ ମୁରଲୀ ପାତ୍ର । ସେ ଗ୍ରାମ ନିକଟ ବିଲ ମାଳରେ ଗାଈ ଚରାଉଥିଲେ। ହଠାତ କାଳବୈଶାଖୀ ବର୍ଷା ସହ ପବନ ହୋଇଥିଲା । ସେହି ସମୟରେ ହଠାତ୍ ବଜ୍ରାଘାତ ହେବାରୁ ବିଲ ମଧ୍ୟରେ ଟଳି ପଡିଥିଲେ ମୁରଲୀ । ତାଙ୍କ ପ୍ରାଣବାୟୁ ଉଡିଯାଇଥିଲା । ପାଖରେ ଥିବା ଗାଇଟିର ମଧ୍ୟ ମୃତ ହୋଇଥିଲା ।
ଗ୍ରାମବାସୀ ମୁରଲୀଙ୍କୁ ସଙ୍ଗେ ସଙ୍ଗେ ଜୀବିତ ଭାବି ଗ୍ରାମ ନିକଟରେ ଥିବା ଖତ ଗଦାରେ ପୋତିଦେଲେ । ଏନେଇ ଖବର ପାଇ ଦମକଳ ଗାଡି ଗ୍ରାମକୁ ଯାଇ ଖତ ଗଦାରୁ ମୁରଲୀଙ୍କ ଶବକୁ ଉଠାଇ ଆଣି ସୋରଡା ମେଡିକାଲରେ ଭର୍ତି କରିଥିଲେ । କିନ୍ତୁ ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।