ଚୋରି କରିବାକୁ ଘରେ ପଶି ଥିବାବେଳେ ଚୋରକୁ କାବୁ କଲେ ଲୋକେ
କେନ୍ଦୁଝର: କେନ୍ଦୁଝର ଜିଲ୍ଲା ଯୋଡ଼ା ଥାନା ଅନ୍ତର୍ଗତ କମାରଯୋଡ଼ା ଗାଁରେ ଚୋରି କରିବାକୁ ଘରେ ପଶି ଥିବାବେଳେ କାବୁ କଲେ ସ୍ଥାନୀୟ ଲୋକେ । ପରେ ପୋଲିସକୁ କଲେ ହସ୍ତାନ୍ତର । କମାରଯୋଡ଼ା ଅଂଚଳରେ କ୍ରମାଗତ ଭାବେ ଗାଡିରୁ ବ୍ଯାଟେରୀ , ତେଲ, ଓ ଘରୁ ବିଭିନ୍ନ ଜିନିଷ ପତ୍ର ଚୋରି ହେଉଥିଲା ।
ଗତକାଲି ୩ ଜଣ ଏହି ଅଂଚଳର ବିଭିନ୍ନ ସ୍ଥାନରେ ଚୋରି କରୁଥିବା ବେଳେ ଜଣଙ୍କୁ କାବୁ କରିଥିଲେ ସ୍ଥାନୀୟ ଲୋକ। କିନ୍ତୁ ଅନ୍ୟମାନେ ଖସି ପଳାଇଥିଲେ। ପରେ ତାକୁ ଏକ ଗଛରେ ବାନ୍ଧି ରଖିଥିବାବେଳେ, ଆଜି ସକାଳୁ ପୋଲିସକୁ ହସ୍ତାନ୍ତର କରାଯାଇଛି । ତା ନାଁ ଭଟଲି କାରୁଆ ବୋଲି ଜଣାପଡ଼ିଛି ।
