ବାଲେଶ୍ୱର: ବାଲେଶ୍ୱର ଜିଲ୍ଲାରେ ଖୁବ ଶୀଘ୍ର ଆରମ୍ଭ ହେବାକୁ ଯାଉଛି ପ୍ଲାଜମା କଲେକ୍ସନ । ଜିଲ୍ଲାରୁ ୩୭୧ଜଣ ପ୍ଲାଜମା ଦାନ ପାଇଁ ଆଗ୍ରହୀ ଥିବା ଜଣାପଡିଛି। ରାଜ୍ୟ ପର୍ଯ୍ୟଟନ ମନ୍ତ୍ରୀ ଜ୍ୟୋତି ପାଣିଗ୍ରାହୀଙ୍କ ଅଧ୍ୟକ୍ଷତାରେ ଏନେଇ ବାଲେଶ୍ୱର ସର୍କିଟ ହାଉସ ଠାରେ ଏକ ବୈଠକ ଅନୁଷ୍ଠିତ ହୋଇଯାଇଛି ।
ଏଥିରେ ବାଲେଶ୍ୱର ଜିଲ୍ଲାପାଳଙ୍କ ସମେତ ବିଧାୟକ, ପୂର୍ବତନ ସ୍ଥାନୀୟ ବିଧାୟକ ମଧ୍ୟ ଯୋଗ ଦେଇଥିଲେ। ଆଗାମୀ ଦିନରେ କିଭଳି ଅଧିକ ସଂଖ୍ୟାରେ ପ୍ଲାଜମା ଦାନ ପାଇଁ ଲୋକମାନେ ଆଗ୍ରହ ପ୍ରକାଶ କରିବେ ସେନେଇ ବୈଠକରେ ଆଲୋଚନା କରାଯାଇଥିଲା । ଏହା କରୋନା ମୁକାବିଲା ପାଇଁ ପ୍ଲାଜମା ଖୁବ ଫଳପ୍ରଦ ସାବ୍ୟସ୍ତ ହୋଇଥିବା କହିଛନ୍ତି ମନ୍ତ୍ରୀ ଜ୍ୟୋତି ପାଣିଗ୍ରାହୀ ।