କରୋନା ସଂକ୍ରମଣକୁ ଆଖି ଆଗରେ ରଖି ଗୁଗୁଲ କମ୍ପାନୀ ଭାରତ ସମେତ ବିଶ୍ୱର ଅନ୍ୟାନ ଦେଶ ମାନଙ୍କରେ ନିଜ କର୍ମଚାରୀ ମାନଙ୍କ ପାଇଁ ଏକ ଜରୁରୀ ଘୋଷଣା କରିଛନ୍ତି । କର୍ମଚାରୀଙ୍କ ସ୍ୱାସ୍ଥ୍ୟ ଦୃଷ୍ଟିରୁ କମ୍ପାନୀ କତ୍ତୃପକ୍ଷ ନିଜ ଘରୁ କାମ କରିବା ଅବଧି ବା “ୱାର୍କ ଫ୍ରମ ହୋମ” ସୁବିଧାକୁ ଆସନ୍ତା ଜୁନ ମାସ ପର୍ଯ୍ୟନ୍ତ ବଢ଼ାଇ ଦେଇଛନ୍ତି । ସୂଚନା ଦେବା ଯୋଗ୍ୟକି, ଗୁଗୁଲ ଏହାର ପ୍ରତିଷ୍ଠାତା କମ୍ପାନୀ ଆଲଫାବେଟ ଇଙ୍କ କମ୍ପାନୀରେ ବିଶ୍ୱର ବିଭିନ୍ନ ପ୍ରାନ୍ତରୁ ପ୍ରାୟ ୨ ଲକ୍ଷ ରୁ ଅଧିକ ସଂଖ୍ୟକ କର୍ମଚାରୀ ଅଛନ୍ତି । ଭାରତରୁ ହିଁ କେବଳ ୫୦୦୦ କର୍ମଚାରୀ ବି ଏହି କମ୍ପାନୀ ଅଧୀନରେ କାମ କରୁଛନ୍ତି ।
ଗୁଗୁଲ କମ୍ପାନୀ ସିଇଓ ସୁନ୍ଦର ପିଚାଇ ନିଜର ସମସ୍ତ କର୍ମଚାରୀଙ୍କୁ ଇମେଲ ଜରିଆରେ ଏହି ସୂଚନା ଦେଇଛନ୍ତି । କର୍ମଚାରୀ ମାନଙ୍କ ସ୍ୱାସ୍ଥ୍ୟ ଓ ସୁରକ୍ଷା ଦୃଷ୍ଟିରୁ ଆମେ ଆସନ୍ତା ବର୍ଷ ଜୁନ ୩୦ ତାରିଖ ପର୍ୟ୍ୟନ୍ତ “ୱାର୍କ ଫ୍ରମ ହୋମ” ଅବଧି ବଢ଼ାଇ ଦେଇଛୁ ବୋଲି ପିଚାଇ କହିଛନ୍ତି । ଯାହାଦ୍ୱାରା ସେମାନେ ଭୟବିତ ନ ହୋଇ ସୁରକ୍ଷିତ ଭାବେ ଘରୁ କମ୍ପାନୀ ପାଇଁ କାମ କରି ପାରିବେ । ଏହା ଦ୍ୱାରା କରୋନା ସଂକ୍ରମିତ ହେବାର ଆଶଙ୍କା ବି ଯଥେଷ୍ଟ କମ ରହିବ ।
କହିରଖିବା ଉଚିତ ହେବକି, ଗୁଗୁଲ କମ୍ପାନୀର ଭାରତ ଏକ ପ୍ରମୁଖ କେନ୍ଦ୍ର । କମ୍ପାନୀର ଅଧିକାଂଶ କାର୍ୟ୍ୟାଳୟ ହାଇଦରାବାଦ ଓ ବାଙ୍ଗାଲୋର ସହରରେ ରହିଛି । ପିଚାଇ ନିକଟରେ ହିଁ ଭାରତରେ ୭୫୦୦୦ କୋଟି ଟଙ୍କା ନିବେଶ କରିବା ନେଇ ଘୋଷଣା କରିଛନ୍ତି । ଏହାସହ ଆସନ୍ତା ୭ ବର୍ଷ ମଧ୍ୟରେ ଭାରତୀୟ ଅର୍ଥବ୍ୟବସ୍ଥାକୁ ଡ଼ିଜିଟାଲ କରାଯିବାର ଯୋଜନା ରହିଛି ।