ଉତ୍ତରପ୍ରଦେଶରେ ହେବାକୁ ଯାଉଛି ଅଦିନିଆ ରଥଯାତ୍ରା, ବିରୋଧ କଲା ଶ୍ରୀଜଗନ୍ନାଥ ସେନା
ପୁରୀ(କେନ୍ୟୁଜ୍): ଇସ୍କନ ପରେ ଡିସେମ୍ବର ୨୯ରେ ହେବାକୁ ଯାଉଥିବା ଅଦିନିଆ ରଥଯାତ୍ରାକୁ ବିରୋଧ କରି ଶ୍ରୀଜଗନ୍ନାଥ ସେନା ପକ୍ଷରୁ ସିଂହଦ୍ୱାର ଥାନାରେ ଏତଲା ଦିଆଯାଇଛି । ଏହାଛଡ଼ା ଉତ୍ତରପ୍ରଦେଶ ଓ ଓଡ଼ିଶାର ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଣ୍ରୀମନ୍ଦିର ପ୍ରଶାସନ ନୀତି ପ୍ରଶାସକଙ୍କୁ ଦାବିପତ୍ର ଦିଆଯାଇଛି । ଉତ୍ତରପ୍ରଦେଶର ଗାଜିଆବାଦରେ ଭାଗବତ ନିକୁଞ୍ଜ ଟ୍ରଷ୍ଟ ପକ୍ଷରୁ ଡିସେମ୍ବର ୨୯ରେ ରଥଯାତ୍ରା ହେବାନେଇ ସୋସିଆଲ ମିଡିଆରେ ବ୍ୟାପକ ପ୍ରଚାର କରାଯାଇଛି । ପୂର୍ବରୁ ଇସ୍କନ ମଧ୍ୟ ଅଦିନିଆ ରଥଯାତ୍ରା ନେଇ ପ୍ରସ୍ତୁତି କରିଥିଲା । ପରେ ଏହାକୁ ବନ୍ଦ କରାଯାଇଥିଲା । ଏବେ ନିକୁଞ୍ଜ ଟ୍ରଷ୍ଟ ଅଦିନିଆ ରଥଯାତ୍ରା ଆୟୋଜନ କରିବାକୁ ଯାଉଛି ।
