ସୁବର୍ଣ୍ଣପୁର ଉପଜିଲ୍ଲାପାଳ ଅଫିସର ସେକ୍ସନ ଅଫିସର ଭିଜିଲାନ୍ସ ଦ୍ୱାରା ଗିରଫ, ଠୁଳ କରିଛନ୍ତି ଆୟର ୯୫ ପ୍ରତିଶତ ଅଧିକ ସମ୍ପତ୍ତି
ସୁବର୍ଣ୍ଣପୁର(କେନ୍ୟୁଜ୍): ସୁବର୍ଣ୍ଣପୁର ଉପଜିଲ୍ଲାପାଳ ଅଫିସର ସେକ୍ସନ ଅଫିସର ଭିଜିଲାନ୍ସ ଦ୍ୱାରା ଗିରଫ। ସେକ୍ସନ ଅଫିସର ନାଁ ରମେଶ ପ୍ରସାଦ ନାଗ। ରମେଶ ନିଜ ଆୟର ୯୫ ପ୍ରତିଶତ ଅଧିକ ସମ୍ପତ୍ତି ଠୁଳ କରିଛନ୍ତି। ରମେଶଙ୍କ ବଲାଙ୍ଗୀର ଓ ସୁବର୍ଣ୍ଣପୁରର ତିନୋଟି ସ୍ଥାନରେ ଚାଲିଛି ଚଢ଼ାଉ। ଚଢ଼ାଉରେ ସାମିଲ ଅଛନ୍ତି ତିନୋଟି ଭିଜିଲାନ୍ସ ଟିମ।
ଟିମରେ ଅଛନ୍ତି ଦୁଇ ଜଣ ଡିଏସପି ଓ ୫ ଜଣ ଇନସ୍ପେକ୍ଟର। ବଲାଙ୍ଗୀରରେ ରହିଛି ଗୋଟିଏ ତିନି ମହଲା ଘର ଓ ଅନ୍ୟ ଜଗାରେ ଗୋଟିଏ ଏକ ମହଲା ଘର ରହିଛି। ବଲାଙ୍ଗୀରରେ ତିନୋଟି ପ୍ଲଟ ଓ ସୋନପୁରରେ ଗୋଟିଏ ପ୍ଲଟ। ଗୋଟିଏ ଚାରି ଚକିଆ ଓ ଦୁଇଟି ଦୁଇ ଚକିଆ ଥିବା ଜଣା ପଡ଼ିଛି। ଅଧିକ ସ୍ଥାବର ଅସ୍ଥାବର ସମ୍ପତ୍ତିର ଯାଞ୍ଚ କରୁଛି ଭିଜିଲାନ୍ସ।