ପୁଣି ଚର୍ଚ୍ଚା ସୃଷ୍ଟି କଲେ ସୁବ୍ରତ ବାଗଚି, ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଦାନ କଲେ
ଭୁବନେଶ୍ୱର (କେ ନ୍ୟୁଜ୍) : କରୋନା ଲଢ଼େଇରେ ସେ ପୂର୍ବରୁ ସାମିଲ ଥିଲେ । ସମସ୍ତଙ୍କୁ ଜଣାଉଥିଲେ ଓଡ଼ିଶାରେ କରୋନା ସ୍ଥିତି ବିଷୟରେ । ହେଲେ ଆଜି ନିଜର ବଦାନ୍ୟତା ଦେଖାଇଛନ୍ତି ସୁବ୍ରତ ବାଗଚୀ । ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଦାନ କରିଛନ୍ତି ଅଢ଼େଇ କୋଟି ଟଙ୍କା ।
ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ଭାବେ ଦୀର୍ଘ ଦିନ ଧରି ଓଡ଼ିଶାର କୋଭିଡ୍ ପରିସ୍ଥିତି ଏବଂ ସରକାରଙ୍କ ଯୋଜନା ବିଷୟରେ ପ୍ରତିଦିନ ଅପରାହ୍ନ ସାଢ଼େ ୪ଟାରେ ଟେଲିଭିଜନ୍ ପରଦାରେ ଆସୁଥିଲେ ବାଗଚି । ତାଙ୍କ ସୂଚନା ଦେବାର ଶୈଳୀ ଏବଂ ବର୍ଣ୍ଣନାକୁ ବେଶ୍ ପସନ୍ଦ କରିଥିଲେ ରାଜ୍ୟବାସୀ । ତାଙ୍କୁ ଶୁଣିବାକୁ ଲୋକେ ଚାହିଁ ବସୁଥିଲେ । ଖୁବ୍ କମ୍ ଦିନ ଭିତରେ ବେଶ୍ ଲୋକପ୍ରିୟତା ହାସଲ କରିଥିଲେ ସୁବ୍ରତ ବାଗଚି ।
This is the Government house in which my mother had delivered me in Patnagarh in Bolangir Dist. Patnagarh is also where Susmita went to her first school. Today is giveback time. Have handed over Rs 2.5 Cr for Covid relief work in Bolangir through the Chief Minister’s Relief Fund pic.twitter.com/nBGiMN4Oca
— Subroto Bagchi (@skilledinodisha) June 5, 2020
ତେବେ ଗତ କିଛି ଦିନ ହେବ ଆଉ ତାଙ୍କୁ ଦେଖିବାକୁ ନମିଳିବାରୁ ବାଗଚି କୁଆଡ଼େ ଗଲେ ବୋଲି ଚର୍ଚ୍ଚା ଚାଲିଥିଲା । ଏହି ଚର୍ଚ୍ଚା ଭିତରେ ସେ ମୁଖ୍ୟମନ୍ତ୍ରୀ ପାଣ୍ଠିକୁ ସେ ଓ ତାଙ୍କ ପତ୍ନୀ ସୁସ୍ମିତା ବାଗଚୀ ୨ କୋଟି ୫୦ ଲକ୍ଷ ଟଙ୍କା ଦାନ କରି ଓଡ଼ିଶା ପ୍ରତି ଥିବା ତାଙ୍କର କର୍ତ୍ତବ୍ୟ ସମ୍ପାଦନ କରିଛନ୍ତି । ଏହି ଅର୍ଥ ବଲାଙ୍ଗିର ଜିଲ୍ଲାରେ ଖର୍ଚ୍ଚ ହେବ ବୋଲି ସେ ଟ୍ଵିଟ୍ କରି ଜଣାଇଛନ୍ତି । ଗତ ବର୍ଷ ମଧ୍ୟ ଫନି ବାତ୍ୟା ବେଳେ ସେ ୨୫ ଲକ୍ଷ ଟଙ୍କା ଦାନ କରିଥିଲେ ।
