ସାତକୋଶିଆକୁ ଫେରିଲା ସୁନ୍ଦରୀ, ବନବିଭାଗ ଆଶ୍ୱସ୍ତ
ଅନୁଗୁଳ(କେନ୍ଯୁଜ୍) : ସାତକୋଶିଆକୁ ଫେରିଲା ସୁନ୍ଦରୀ। ବାଘୁଣୀ ଏବେ ସାତକୋଶିଆର କୋର ଏରିଆରେ ରହିଛି। ପୁରୁଣାକୋର୍ଟର ଭୃକୁଣ୍ଡି ଏବଂ ଛୋଟକେଇ ଅଞ୍ଚଳରେ ସୁନ୍ଦରୀ ଘୁରି ବୁଲୁଛି। କୋର୍ ଏରିଆକୁ ବାଗୁଣୀ ଆସିବା ପରେ ବନବିଭାଗ ଓ ଲୋକମାନେ ଆଶ୍ୱସ୍ତ ହୋଇଛନ୍ତି। ଏବେ ସୁନ୍ଦରୀ ବାଘ କାହ୍ନା ରହୁଥିବା ଅଞ୍ଚଳରେ ଥିବା ଜଣାପଡିଛି। ଫଳରେ ତାକୁ ଟ୍ରାଙ୍କୁଲାଇଜ୍ କରିବା ଆବଶ୍ୟକ ପଡିବ ନାହିଁ ବୋଲି ବନବିଭାଗ କହିଛି। ଗତ କିଛି ଦିନ ଧରି ସୁନ୍ଦରୀ ମଣିଷ ଓ ଗୃହ ପାଳିତ ପଶୁଙ୍କୁ ଆକ୍ରମଣ କରିଥିଲା। ଏହାକୁ ନେଇ ଲୋକେ ଆତଙ୍କିତ ହୋଇପଡିଥିଲେ। ସୁନ୍ଦରୀକୁ ଧରିବା ପାଇଁ ୱାଇଲ୍ଡ ଲାଇଫ୍ ଇଷ୍ଟିଚ୍ଯୁଟ୍ ଅଫ୍ ଇଣ୍ଡିଆର ଟିମ୍ ଆସିଥିଲେ। ହେଲେ ଏବେ ସୁନ୍ଦରୀ ଫେରିଥିବାରୁ ସମସ୍ତେ ଆଶ୍ୱସ୍ତ ହୋଇଛନ୍ତି।