ପାରାଦୀପ ଜାହାଜରୁ ମିଳିଲା ସନ୍ଦେହଜନକ ପ୍ୟାକେଟ: ଯାଞ୍ଚ କରୁଛି ଅବକାରୀ ବିଭାଗ
ପାରାଦୀପ ଜାହାଜରୁ ମିଳିଲା ସନ୍ଦେହଜନକ ପ୍ୟାକେଟ । ଏହାକୁ ଜବତ କରି ଯାଞ୍ଚ କରୁଛି ପୋଲିସ ଏବଂ ସିଆଇଏସଏଫ ଓ ଡଗ୍ ସ୍କ୍ୱାର୍ଡ । ପାରାଦୀପ ବନ୍ଦର ପିଆଇସିଟି ବର୍ଥରେ ଲାଗିଥିବା MV DEBI ନାମକ ଜାହାଜରୁ ଏହି ଆଠଟି ପ୍ୟାକେଟ୍ ଜବତ ହୋଇଛି ।
ପାରାଦୀପ (କେନ୍ୟୁଜ): ପାରାଦୀପ ଜାହାଜରୁ ମିଳିଲା ସନ୍ଦେହଜନକ ପ୍ୟାକେଟ । ଏହାକୁ ଜବତ କରି ଯାଞ୍ଚ କରୁଛି ପୋଲିସ ଏବଂ ସିଆଇଏସଏଫ ଓ ଡଗ୍ ସ୍କ୍ୱାର୍ଡ । ପାରାଦୀପ ବନ୍ଦର ପିଆଇସିଟି ବର୍ଥରେ ଲାଗିଥିବା MV DEBI ନାମକ ଜାହାଜରୁ ଏହି ଆଠଟି ପ୍ୟାକେଟ୍ ଜବତ ହୋଇଛି । ଏସବୁକୁ କଷ୍ଟମ୍ସ ବିଭାଗକୁ ହସ୍ତାନ୍ତର କରାଯାଇଛି । ଜାହାଜଟି ରାତିରେ ବର୍ଥରେ ଲାଗିଥିଲା । କଷ୍ଟମ୍ସ ବିଭାଗ ପକ୍ଷରୁ ଯାଞ୍ଚ କରାଯିବା ସମୟରେ ଏହି ୮ ଟି ପ୍ୟାକେଟ ମିଳିଥିଲା।
ତେବେ ଜାହାଜର କର୍ମଚାରୀ ଏହି ପ୍ୟାକେଟକୁ କିଏ ଓ କଣ ପାଇଁ ରଖିଛି ତାହା କହି ପାରିନଥିଲେ। ପାରାଦୀପ ଆଦର୍ଶ ଥାନା , ସିଆଇଏସଏଫ ଓ ଡଗ୍ ସ୍କ୍ୱାର୍ଡକୁ ଖବର ଦିଆଯାଇଥିଲା। ଯାଞ୍ଚ ସମୟରେ ଏହି ପ୍ୟାକେଟ ଖୋଲାଯିବା ପରେ ସେଥିରୁ କିଛି ସନ୍ଦେହଜନକ ଜିନିଷ ମିଳିଛି। ତେବେ ଏହାକୁ ନେଇ ଭୟଭୀତ ହେବାର କିଛି କାରଣ ନାହିଁ ବୋଲି କୁହାଯାଇଛି।