ଯାଜପୁର:ଗୁରୁ ଶିଷ୍ୟ ପର୍ମ୍ପରାରରେ କଳଙ୍କ, ନାବାଳକ ଛାତ୍ରକୁ ଅପ୍ରାକୃତିକ ଯୌନ ନିର୍ଯ୍ୟାତନା ଦେବା ଅଭିଯୋଗରେ ଜେଲ ଗଲେ ଶିକ୍ଷକ
ଯାଜପୁର (କେନ୍ୟୁଜ): ୧୦ବର୍ଷର ନାବଳକ ଛାତ୍ରକୁ ଅପ୍ରାକୃତିକ ଯୈାନ ନିର୍ଯ୍ୟାତନ ଦେବା ଅଭିଯୋଗରେ ଜେଲ ଗଲେ ଅଭିଯୁକ୍ତ ଶିକ୍ଷକ। ଗୁରୁ ଶିଷ୍ୟ ପର୍ମ୍ପରାରରେ କଳଙ୍କ ଲଗାଇବା ଭଳି ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ଥାନା ଅଂଚଳରେ । ଅଭିଯୋଗ ମୁତାବକ, ସ୍ଥାନୀୟ ଅଂଚଳର ଶିକ୍ଷକ ଆଶୁତୋଷ ମୁଦୁଲି ଜନୈକ ଛାତ୍ରଙ୍କ ଘରକୁ ଟ୍ୟୁସନ କରିବାକୁ ଯାଇଥିବା ବେଳେ ଘରେ କେହି ନଥିବାର ସୁଯୋଗ ନେଇ ନାବାଳକ ଛାତ୍ରକୁ ଅପ୍ରାକୃତିକ ଯୈାନ ନିର୍ଯ୍ୟାତନା ଦେଇଥିଲେ । ପରେ ଛାତ୍ର ଜଣକ ନିଜ ବାପା ଓ ମାଙ୍କୁ ଏହି କଥା କହିଥିଲେ ।
ଏନେଇ ନାବାଳକ ଛାତ୍ରର ମା’ ଧର୍ମଶାଳା ଥାନାରେ ଗତକାଲି ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୋଲିସ ଅଭିଯୁକ୍ତ ଶିକ୍ଷକକୁ ଗିରଫ କରିଥିଲା। ଆଜି ସଂପୃକ୍ତ ଶିକ୍ଷକଙ୍କ ମେଡିକାଲ ଟେଷ୍ଟ କରାଯିବା ପରେ ତାଙ୍କୁ କୋର୍ଟ ଚାଲାଣ କରାଯାଇଥିବା ଧର୍ମଶାଳା ଥାନା ଅଧିକାରୀ ସରୋଜ କୁମାର ସାହୁ ସୂଚନା ଦେଇଛନ୍ତି।
