ଓଡ଼ିଶାରେ ଖୁବ କମ ଦିନ ଭିତରେ ଆରମ୍ଭ ହେବ ସ୍ବଦେଶ ପ୍ରସ୍ତୁତ କରୋନା ଟୀକାର ତୃତୀୟ ପର୍ଯ୍ୟାୟ ପରୀକ୍ଷଣ
ରାଜ୍ୟରେ ଖୁବଶୀଘ୍ର କୋଭିଡ-19 ଭ୍ୟାକସିନର ତୃତୀୟ ସ୍ତର ପରୀକ୍ଷଣ ଆରମ୍ଭ ହେବାକୁ ଯାଉଛି । ଏଥିନେଇ ସ୍ୱୀକୃତି ମିଳିଥିବା ଇନଷ୍ଟିଟ୍ୟୁଟ ଅଫ ମେଡିକାଲସ ସାଇନ୍ସ ଓ ସମ ହସ୍ପିଟାଲରେ ଏହି ପରୀକ୍ଷଣ କରାଯିବ । ଏହାସହ ଦେଶର ଅନ୍ୟ ୨୧ଟି ସଂସ୍ଥାନରେ ଏହି ପରୀକ୍ଷଣ କରାଯିବ । ଏଥିରେ ଦେଶର ବିଭିନ୍ନ ପ୍ରାନ୍ତରୁ ୨୫ ହଜାରରୁ ଅଧିକ ସ୍ବେଛାସେବୀ ସାମିଲ ହେବେ । ରାଜ୍ୟର ଏକ ମାତ୍ର ହସ୍ପିଟାଲ ଭାବରେ ସମ ହସ୍ପିଟାଲକୁ ହିଁ ଏହି ପରୀକ୍ଷଣ ନେଇ ଅନୁମତି ମିଳିଛି । ୧୮ ବର୍ଷରୁ ଉର୍ଦ୍ଧ୍ବ ବୟସ୍କର ବ୍ୟକ୍ତିଙ୍କୁ ହିଁ ଏହି ଟୀକା ଦିଆଯିବ । କହିରଖିବା ଉଚିତ ହେବକି, ସ୍ୱଦେଶରେ ପ୍ରସ୍ତୁତ ଏହି ଟୀକାକୁ
ଭାରତ ବାୟୋଟେକ ଓ ଇଣ୍ଡିୟାନ କାଉନସିଲ ଅଫ ମେଡିକାଲ ରିସର୍ଚ୍ଚ ମିଳିତ ଭାବରେ ପ୍ରସ୍ତୁତ କରିଛନ୍ତି । ଆହୁରି ମଧ୍ୟ ଏହାର ତୃତୀୟ ସ୍ତର ମାନବ ପରୀକ୍ଷଣ କରିବା ପାଇଁ ଡ଼ିସିଜିଆଇ ତରଫରୁ ଅନୁମତି ମିଳିସାରିଛି । ଏହା ପୂର୍ବରୁ ପ୍ରଥମ ଓ ଦ୍ଵିତୀୟ ସ୍ତର ଟୀକାର ମାନବ ଶରୀରରେ ପରୀକ୍ଷଣ ସଫଳତାର ସହ ଶେଷ ହୋଇଛି । ତୃତୀୟ ପରୀକ୍ଷଣ ଶେଷ ହେବା ପରେ ହିଁ ଏହି ଟୀକା ଏହା କରୋନା ଭାଇରସ ଉପରେ କେତେ ମାତ୍ରାରେ ପ୍ରଭାବ ପକାଉଛି ତାହା ସ୍ପଷ୍ଟ ହୋଇପାରିବ ।
