ଭଦ୍ରକ, ପୋଖରୀରେ ବୁଡ଼ି ଗଲା ୨ ଶିଶୁଙ୍କ ଜୀବନ
ଭଦ୍ରକ (କେନ୍ୟୁଜ୍) : ପୋଖରୀରେ ବୁଡ଼ି ଗଲା ୨ ଶିଶୁଙ୍କ ଜୀବନ । ଭଦ୍ରକ ଜିଲ୍ଲା ତିହିଡି ବ୍ଲକ୍ ସାମନ୍ତରାପୁର ଗାଁରେ ଏହି ଦୁଃଖଦ ଘଟଣା ଘଟିଛି । ମୃତକମାନେ ଗଣେଶ ମଲ୍ଲିକଙ୍କ ୩ ବର୍ଷର ପୁଅ ସ୍ୱାଗତ ଓ ସଞ୍ଜୀବ ମଲ୍ଲିକଙ୍କ ୩ ବର୍ଷର ପୁଅ ସମରଜିତ୍ । ଦୁହେଁ ଘର ଆଗରେ ଖେଳୁଥିବାବେଳେ ଅସାବଧାନତାରୁ ପାଖରେ ଥିବା ପୋଖରୀରେ ବୁଡି ଯାଇଥିଲେ । ଗାଁଲୋକ ଉଦ୍ଧାର କରି ତିହିଡି ଡାକ୍ତରଖାନାରେ ଭର୍ତ୍ତି କରିଥିଲେ ବି ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।
