ମୋହନା(କେନ୍ୟୁଜ୍): ଗଜପତି ଜ଼ିଲ୍ଲା ମୋହନା ଥାନା ଅନ୍ତର୍ଗତ ଲୁହାଗୁଡ଼ି ସଙ୍ଗରୋଧ କେନ୍ଦ୍ରରୁ ଫେରାର ଜଣେ ଅନ୍ତେବାସୀ ଆଜି ଅଡବା ପୋଲିସ ନିକଟରେ ଆତ୍ମସମର୍ପଣ କରିଛିନ୍ତି l ସୂଚନା ମୁତାବକ ଅଡବା ଥାନା ଦମାଦୁଆ ପଞ୍ଚାୟତ ଅନ୍ତର୍ଗତ ଘାସପଦା ଗ୍ରାମର ଜଣେ ଯୁବକ ଆନ୍ଧ୍ରପ୍ରଦେଶରୁ ଆସି ଲୁହାଗୁଡ଼ି ସଙ୍ଗରୋଧକେନ୍ଦ୍ର ରହିଥିଲେ । କିନ୍ତୁ ହଠାତ ଗତ ୧୧ ତାରିଖ ସନ୍ଧ୍ୟା ସମୟରେ ଯୁବକ ଜଣକ ସଙ୍ଗରୋଧ କେନ୍ଦ୍ରରୁ ଫେରାର ହୋଇଯାଇଥିଲେ l ଏନେଇ ପ୍ରଶାସନ ପକ୍ଷରୁ ଥାନାରେ ଏକ ମାମଲା ରୁଜୁ କରାଯାଇଥିଲା।
ଏହାସହ ପ୍ରଶାସନ ପକ୍ଷରୁ ମଧ୍ୟ ସମ୍ପୃକ୍ତ ଯୁବକର ସନ୍ଧାନ ଜୋରଦାର କରାଯାଇଥିଲା। ଆଜି ସନ୍ଧ୍ୟାରେ ଯୁବକ ଜଣକ ନିଜେ ଅଡବା ଥାନାରେ ଆତ୍ମସମର୍ପଣ କରିଥିବା ଜଣାପଡିଛି l ପରେ ଯୁବକକୁ ସଙ୍ଗରୋଧ କେନ୍ଦ୍ର ନିୟମ ଖିଲାପ ଅଭିଯୋଗରେ ପୁଣି ୧୪ ଦିନିଆ ସଙ୍ଗରୋଧରେ ରଖିବା ପାଇଁ ଲୁହାଗୁଡି ସଙ୍ଗରୋଧ କେନ୍ଦ୍ରକୁ ପଠାଇଦିଆଯାଇଥିବା ମୋହନା ଅତିରିକ୍ତ ତହସିଲଦାର ଆଶିଷ କୁମାର ପ୍ରଧାନ ସୂଚନା ଦେଇଛନ୍ତି l