ବାଂଶପାଳ(କେନ୍ଯୁଜ୍): କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ୪୯ ନଂ ଜାତୀୟ ରାଜପଥ ବାୟାକୁମୁଟିଆ ଛକରେ ଗତକାଲି ଅଜଣା ଗାଡି ଧକ୍କାରେ ବାୟାକୁମୁଟିଆ ଗ୍ରାମର ରବୀନ୍ଦ୍ର ପଧାନ ନାମକ ଜଣେ ଯୁବକଙ୍କ ମୃତ୍ଯୁ ହୋଇଥିଲା । ଯାହା ଫଳରେ ଉତ୍ୟକ୍ତ ଲୋକେ କ୍ଷତି ପୂରଣ ଦାବିରେ ଜାତୀୟ ରାଜପଥକୁ ଅବରୋଧ କରିଥିଲେ।
ତେବେ ସଦର ଥାନା ପୋଲିସ ଓ ସ୍ଥାନୀୟ ପ୍ରଶାସନ ପକ୍ଷରୁ ଉତ୍ୟକ୍ତ ଲୋକଙ୍କୁ ବୁଝା ସୁଝା କରି ମୃତ ଯୁବକଙ୍କ ପରିବାରକୁ ୨୦ ହଜାର ଟଙ୍କା ପ୍ରଦାନ କରିବା ପରେ ରାଜପଥରୁ ଶବ ଉଠିଥିଲା ଓ ଗାଡି ଚଳା ଚଳ ସ୍ୱାଭାବିକ ହୋଇଥିଲା ।
ତେବେ ଆଜି ସକାଳେ ପୁଣି ସ୍ଥାନୀୟ ଲୋକେ ଜାତୀୟ ରାଜପଥ ଅବରୋଧ କରିଛନ୍ତି। ଫଳରେ ଶହ ଶହ ଗାଡି ଅଟକି ରହିଛି। ପୋଲିସ ଘଟଣା ସ୍ଥଳରେ ପହଂଚି ଲୋକଙ୍କୁ ବୁଝା ସୁଝା କରୁଛି।