୧୦ ବଦଳରେ ୧୧ ଅଙ୍କ ବିଶିଷ୍ଟ ହେବ ମୋବାଇଲ ନମ୍ବର, ଟ୍ରାଇ କରୁଛି ପ୍ରସ୍ତୁତି
ଟେଲିକମ ରେଗ୍ୟୁଲାରିଟି ଅଥରିଟି ଅଫ ଇଣ୍ଡିଆ (TRAI) ଅତିଶୀଘ୍ର ଫୋନର ୧୦ ଅଙ୍କ ବିଶିଷ୍ଟ ସଂଖ୍ୟାକୁ ବଢ଼ାଇ ୧୧ଟି ଅଙ୍କ କରିବା ପ୍ରସ୍ତୁତିରେ ଲାଗି ପଡିଛି । ଏହି ଅଙ୍କ ବଢାଇବା ପାଇଁ ଟ୍ରାଇ ରିପୋର୍ଟ ମଧ୍ୟ ଜାରି କରିସାରିଛି । ଟ୍ରାଇର ରିପୋର୍ଟ ଅନୁଯାୟୀ ମୋବାଇଲ ନମ୍ବରର ସଂଖ୍ୟା ବଢାଇବା ଉପରେ ବର୍ତ୍ତମାନ ଯୋଜନା ଚାଲିଛି । ଯଦି ଏପରି ହୁଏ ତାହେଲେ ମୋବାଇଲ ନମ୍ବରର ସଂଖ୍ୟା ୧୦ ବଦଳରେ ୧୧ ଟି ହୋଇଯିବ । ଦେଶରେ ମୋବାଇଲ ନମ୍ବରର ସଂଖ୍ୟା ବଢ଼ିବାରେ ଲାଗିଛି ତାକୁ ଦେଖି ଏପରି ନିଷ୍ପତ୍ତି ନିଆଯାଇଛି ।
ଟ୍ରାଇର କହିବା ଅନୁଯାୟୀ ଦେଶରେ ଟେଲିକମ କନେକ୍ସନକୁ ନେଇ ଲୋକମାନଙ୍କର ଆବଶ୍ୟକତାକୁ ପୁରାଣ କରିବା ପାଇଁ ୨୦୫୦ ପର୍ଯ୍ୟନ୍ତ ସମୟ ଲାଗିବ । ଏହା ସହିତ ୨୬୦ କୋଟି ଅଙ୍କର ଆବଶ୍ୟକତା ମଧ୍ୟ ପଡିବ । ଏହି କାରଣରୁ ଟ୍ରାଇ ଫୋନର ଅଙ୍କ ସଂଖ୍ୟାରେ ବୃଦ୍ଧି କରିବା ପାଇଁ ଲାଗି ପଡିଛି । ବର୍ତ୍ତମାନ ଦେଶରେ ୯,୭ ଓ ୮ ରୁ ଆରମ୍ଭ ହୋଇଥିବା ୧୦ ଅଙ୍କ ବିଶିଷ୍ଟ ମୋବାଇଲ ନମ୍ବରରେ ୨୧୦ କୋଟି କନେକ୍ସନ ରହିଛି । ଏହା ବ୍ୟତୀତ ଟ୍ରାଇ ଏହି ବିଷୟରେ ଲୋକମାନଙ୍କୁ ନିଜର ପରାମର୍ଶ ମଧ୍ୟ ମାଗିଛି ।
ଏହାସହ ପଢନ୍ତୁ ଫେସବୁକ ୧୦ ହଜାରରୁ ଅଧିକ ଆପ ଉପରେ ଲଗାଇଲା ପ୍ରତିବନ୍ଧକ, ଜାଣନ୍ତୁ ଏହା ପଛରେ ଥିବା କାରଣ
ସୂଚନା ଅନୁଯାୟୀ ଟ୍ରାଇ ୧୯୯୩ ଏବଂ ୨୦୦୩ରେ ମୋବାଇଲ ନମ୍ବର ଉପରେ ବିଶ୍ଳେଷଣ କରିଥିଲା । ଟ୍ରାଇର କହିବା ଅନୁଯାୟୀ ଧୀରେ ଧୀରେ କନେକ୍ସନକୁ ନେଇ ନମ୍ବରିଂ ରିସୋର୍ସେସ ପାଇଁ ଅସୁବିଧା ବଢି ବଢି ଚାଲିଛି ।ଏହି କାରଣରୁ ଟ୍ରାଇ ମୋବାଇଲ ନମ୍ବରର ଡ଼ିଜିଟକୁ ବଢାଇବା ପାଇଁ ଚାଁହୁଛି । କେବଳ ଏତିକି ନୁହେଁ ଟ୍ରାଇ ଲ୍ୟାଣ୍ଡଲାଇନ ନମ୍ବର୍ସର ସଂଖ୍ୟାକୁ ୧୦ ଡିଜିଟରେ ମଧ୍ୟ ପରିଣତ କରାଇପାରେ । ଖବର ଅନୁଯାୟୀ ଡୋଙ୍ଗଲର କନେକ୍ସନ ନମ୍ବର ସଂଖ୍ୟା ୧୩ ଡିଜିଟରେ ମଧ୍ୟ ପରିଣତ କରାଯାଇପାରେ ।
