ହ୍ୱାଟ୍ସଆପରେ ଆସିବ ନୂଆ ଫିଚର୍, ଏକା ସାଙ୍ଗରେ ଭଏସ୍ କଲରେ କଥା ହୋଇପାରିବେ ୩୨ ଜଣ ଲୋକ
ହ୍ୱାଟ୍ସଆପ ଦିନକୁ ଦିନ ନୂଆ ନୂଆ ଫିଚର୍ ସବୁ ଲଞ୍ଚ କରୁଛି। ଯାହା ପାଇଁ ହ୍ୱାଟ୍ସଆପ ନିଜ ଉପଭୋକ୍ତାଙ୍କୁ ଭଲ ସୁବିଧା ମଧ୍ୟ ପ୍ରଦାନ କରୁଛି। ବର୍ତ୍ତମାନ ପୁଣି ଏହି ଆପ୍ ଆଣିବାକୁ ଯାଉଛି ଆଉ ଏକ ଦମଦାର ଫିଚର୍। ହ୍ୱାଟ୍ସଆପ୍ ଗୋଷ୍ଠୀର ସଦସ୍ୟଙ୍କ ସଂଖ୍ୟା ୨୫୬ ରେ ସୀମିତ ଥିଲା, କିନ୍ତୁ ବର୍ତ୍ତମାନ ନୂଆ ଏଡିସନ୍ ସହିତ ଏହି ସଂଖ୍ୟା ଦ୍ୱିଗୁଣିତ ହୋଇଛି। ଏହି ସଂଖ୍ୟା ବର୍ତ୍ତମାନ ୫୧୨ କୁ ବୃଦ୍ଧି କରାଯାଇଛି। ଏହା ବ୍ୟତୀତ, ବର୍ତ୍ତମାନ 2 GB ପର୍ଯ୍ୟନ୍ତ ଫାଇଲଗୁଡିକ ହ୍ୱାଟ୍ସଆପରେ ସହଜରେ ସେୟାର କରାଯାଇପାରିବ।
ହ୍ୱାଟ୍ସଆପରେ କିଛି ମାସର ରିସର୍ଚ୍ଚ ପରେ, ମେଟା ମାଲିକାନା ଇନଷ୍ଟାଣ୍ଟ ମେସେଜିଂ ଆପ୍ ହ୍ୱାଟ୍ସଆପରେ ଉପଭୋକ୍ତାମାନଙ୍କ ପାଇଁ ନୂଆ କମ୍ୟୁନିଟି ଫିଚର୍ ଲଞ୍ଚ କରିଛି। ତାହା ହେଉଛି, ବର୍ତ୍ତମାନ ଆପଣ ହ୍ୱାଟ୍ସଆପ ଗ୍ରୁପରେ ସଦସ୍ୟଙ୍କ ସଂଖ୍ୟା ୫୧୨ ପର୍ଯ୍ୟନ୍ତ ବୃଦ୍ଧି କରିପାରିବେ। ଯାହାକୁ ୟୁଜରମାନେ ଅପେକ୍ଷା କରିଥିଲେ। ମେଟା ସିଇଓ ମାର୍କ ଜୁକରବର୍ଗ ଫେସବୁକ୍ ପରି ହ୍ୱାଟ୍ସଆପ ସହିତ ନୂଆ ଏଡିସନ୍ ବିଷୟରେ କହିଛନ୍ତି ଯେ ବର୍ତ୍ତମାନ ୨ ଜିବି ପର୍ଯ୍ୟନ୍ତ ଫାଇଲ୍ ସେୟାର୍ ହୋଇପାରିବ। ହ୍ୱାଟ୍ସଆପ ମେସେଜ୍ ସହିତ ଇମୋଜି ରିଆକ୍ସନ୍ ପ୍ରଦାନ କରିବାର ସୁବିଧା ଘୋଷଣା କରାଯାଇଛି। ମେଟା ଦ୍ୱାରା ପ୍ରକାଶିତ ଘୋଷଣାରେ, ହ୍ୱାଟ୍ସଆପରେ ବର୍ତ୍ତମାନ ୩୨ ଜଣ ଲୋକ ଏକ ଭଏସ୍ କଲ୍ ସମୟରେ ଗୋଟିଏ ସମୟରେ ଯୋଗଦାନ କରିପାରିବେ। ଏହା ବ୍ୟତୀତ ଏକାଧିକ ଡିଭାଇସରେ ଗୋଟିଏ ଆକାଉଣ୍ଟ ଚଲାଇବା ସୁବିଧା ମଧ୍ୟ ଉପଲବ୍ଧ ହେବ।
ହ୍ୱାଟ୍ସଆପରେ ଗୋଷ୍ଠୀର ସଦସ୍ୟଙ୍କ ସଂଖ୍ୟା ୨୫୬ ରେ ସୀମିତ ଥିଲା, କିନ୍ତୁ ନୂତନ ଅପଡେଟ୍ ଅନୁଯାୟୀ ଏହି ସଂଖ୍ୟା ଦ୍ୱିଗୁଣିତ ହୋଇଛି। ଏହି ସଂଖ୍ୟା ବର୍ତ୍ତମାନ ୫୧୨ କୁ ବୃଦ୍ଧି କରାଯାଇଛି।ଏହା ସହିତ କମ୍ପାନୀ ଦ୍ଵାରା କୁହାଯାଇଛି ଯେ 2 GB ର ଫାଇଲ୍ ସେୟାରିଂ ସୁବିଧା ମଧ୍ୟ ଏଣ୍ଡ-ଟୁ-ଏଣ୍ଡ ଏନକ୍ରିପ୍ଟ ହେବ ଏବଂ ଏତେ ବଡ ଫାଇଲ୍ ମଧ୍ୟ ସହଜରେ ସେୟାର କରାଯାଇପାରିବ ।ସୂଚନାଯୋଗ୍ୟ ଯେ ବର୍ତ୍ତମାନ ସମୟରେ ନୂଆ ଫିଚର ଆଇଓଏସ୍ ଏବଂ ଆଣ୍ଡ୍ରଏଡ୍ ଭର୍ସନ ପାଇଁ ଗଡ଼ାଯାଇଛି। କିନ୍ତୁ ଆସନ୍ତା ସପ୍ତାହରେ ଏହା ଅନ୍ୟ ଏଡିସନ୍ ପାଇଁ ସର୍ବଭାରତୀୟ ସ୍ତରରେ ଉପଲବ୍ଧ ହେବ। କମ୍ପାନୀ ଦାବି କରିଛି ଯେ କମ୍ୟୁନିଟି ଫିଚର୍ ସାହାଯ୍ୟରେ ଏକାଥରକେ ଏକାଧିକ ଗୋଷ୍ଠୀ ପରିଚାଳନା କରିବା ସହଜ ହେବ।
