ମହାରାଷ୍ଟ୍ରର ନାସିକରେ ଏକ ଏପରି ଘଟଣା ଘଟିଛି ଯାହାକୁ ଦେଖିବା ପରେ ଯେ କେହିବି ଆଶ୍ଚର୍ଯ୍ୟ ହୋଇଯାଇଛନ୍ତି । ଏହି ଘଟଣାରେ ଏକ ଚିତାବାଘ ଅଚାନକ ଜଣଙ୍କ ଘରକୁ ପଶି ଆସିଛି ଓ ଘର ବାହାରେ ଶୋଇଥିବା କୁକୁରଉପରେ ଆକ୍ରମଣ କରିଦେଇଛି । ଛାତି ଥରାଇ ଦେଲାଭଳି ଏହି ଦୃଶ୍ୟ ବର୍ତ୍ତମାନ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଭିଡିଓରେ ଦେଖାଯାଇଛି ଯେ ଚିତାବାଘଟି ଚୁପ ଚୁପ ଆସି କୁକୁରକୁ ଆକ୍ରମଣ କରିବା ସମୟରେ କୁକୁରଟି ପ୍ରାଣ ବିକଳରେ ଭୁକି ଭୁକି ଦୌଡ଼ି ପଳାଇ ଯାଉଛି ।
One of the easiest prey for leopards, pet dogs. In human habitations important to stay alert at all times when near the peripheries of a forest landscape. The leopard is an amazing hunter which adapts with its surroundings and stealthily approaches its prey, with pin-drop silence pic.twitter.com/PVDZA21KLg
— Dr. PM Dhakate (@paragenetics) October 12, 2019
ସୂଚନା ଅନୁଯାୟୀ ଘଟଣାଟି ସେପ୍ଟେମ୍ବର ୨୯ ତାରିଖରେ ଘଟିଥିଲା ଏବଂ ସିସିଟିଭିରେ ଏହିସବୁ ଘଟଣା ରେକର୍ଡ ହୋଇଥିଲା । ଭିଡ଼ିଓଟିରେ ଦେଖାଯାଇଛି ଯେ ବାଘଟି ଧୀରେ ଧୀରେ ଆସି ହଠାତ ଶୋଇଥିବା କୁକୁର ଉପରେ ଆକ୍ରମଣ କରୁଛି ଏବଂ ତାର ବେକକୁ କାମୁଡି ଘୋଷାଡ଼ି ଆଣିଛି । ଏହାପରେ କୁକୁରଟି ବାଘଠାରୁ ନିଜକୁ ମୁକୁଳାଇ ଭୁକି ଭୁକି ଦୌଡ଼ି ପଳାଇଯାଉଛି ଏବଂ ଚିତାବାଘ ମଧ୍ୟ ତା ପଛେ ପଛେ ଗୋଡାଉଛି ।
ଏହାସହ ପଢନ୍ତୁ ଦୁର୍ଘଟଣା ପରେ ରାସ୍ତାରେ ପଡ଼ିଗଲେ ମହିଳା, ଉପରେ ଚଢ଼ିଗଲା ଆଉଏକ କାର, ଦେଖନ୍ତୁ ଭିଡିଓ
ପରଦିନ ସକାଳେ ଏହି ଘଟଣା ବିଷୟରେ ଜଣା ପଡିଥିଲା ଓ ସେତେବେଳକୁ ଚିତାବାଘଟି ଜଙ୍ଗଲ ମୁଁହା ହୋଇସାରିଥିଲା । ଏହି ଘଟଣା ପରେ ବନ ଅଧିକାରୀମାନେ ମଧ୍ୟ ଆସି ଘଟଣାର ତଦନ୍ତ କରିଥିଲେ ଓ ଚିତାବାଘକୁ ଖୋଜିବା ପାଇଁ ଚେଷ୍ଟା କରିଥିଲେ କିନ୍ତୁ କିଛି ବି ସୁଫଳ ମିଳିପାରିନଥିଲା । ସୋସିଆଲ ମିଡିଆରେ ଏହି ଭିଡ଼ିଓ ଭାଇରଲ ହେବା ପରେ ୟୁଜର୍ସ ମାନଙ୍କର ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳିଛି । ଜଣେ ୟୁଜର ଲେଖିଛନ୍ତି ଯେ ‘ଏହି ଭିଡିଓ ଦେଖି ମୁଁ ବହୁତ ଦୁଃଖିତ ଅଟେ । ଦୟାକରି ରାତିରେ ନିଜ କୁକୁରକୁ ଘରଭିତରେ ହିଁ ରଖନ୍ତୁ’