ସଲମାନ ଖାନଙ୍କ ଉପରେ ସଙ୍ଗୀନ ଅଭିଯୋଗ ଆଣିଲେ ଜିଆ ଖାନଙ୍କ ମା’, କହିଲେ ଏଭଳି କଥା ଦେଖନ୍ତୁ ଭିଡିଓ
ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ପରଠାରୁ ବଲିଉଡ ଇଣ୍ଡଷ୍ଟ୍ରିରେ ଆତ୍ମୀୟତା, ବଂଶବାଦ ବା ନେପୋଟିଯିମ ବିଷୟରେ ବିତର୍କ ଆରମ୍ଭ ହୋଇଛି । ସୋସିଆଲ ମିଡିଆରେ ବଲିଉଡ ତାରକାଙ୍କ ଠୁ ନେଇ ସାଧାରଣ ଲୋକ ପର୍ଯ୍ୟନ୍ତ କରଣ ଜୋହର, ଆଲିଆ ଭଟ୍ଟ, ସଲମାନ ଖାନ ଏବଂ ସେମାନଙ୍କ ପରିବାର ସଦସ୍ୟଙ୍କୁ ଟାର୍ଗେଟ କରୁଛନ୍ତି । ଏଥି ମଧ୍ୟରେ ଅଭିନେତ୍ରୀ ଜିଆ ଖାନଙ୍କ ମାତା ସୁଶାନ୍ତଙ୍କ ଦେହାନ୍ତରେ ଦୁଃଖ ପ୍ରକାଶ କରି ଏକ ଭିଡିଓ ସେୟାର କରିଥିବାବେଳେ ସଲମାନ ଖାନଆଁକୁନେଇ ସେ ଏପରି କିଛି କହିଛନ୍ତି ଯାହା ଶୁଣିବା ପରେ ଆପଣଙ୍କ ପାଦ ତଳେ ମଧ୍ୟ ଭୂମି ଖସିଯିବ ।
ଜିଆ ଖାନଙ୍କ ମାଆ ରବିୟା ଖାନ ଆମିନ ଲଣ୍ଡନରୁ ଏକ ଭିଡିଓ ସେୟାର କରିଥିଲେ । ଯେଉଁଥିରେ ସେ କହିଥିଲେ, ‘ମୋର ସମବେଦନା ସୁଶାନ୍ତ ସିଂ ରାଜପୁତଙ୍କ ପରିବାର ସହିତ ଅଛି । ଏହି ଖବର ହୃଦୟ ବିଦାରକ ଅଟେ ଏହା ଏକ ଜୋକ ନୁହେଁ । ବଲିଉଡ ପରିବର୍ତ୍ତନ ଏବଂ ଜାଗ୍ରତ ହେବା ଆବଶ୍ୟକ । ବଲିଉଡ ଇଣ୍ଡଷ୍ଟ୍ରି ଏହା କରିବା ଉଚିତ ନୁହେଁ । ଡ୍ରାଗ୍ କରିବା ଅର୍ଥାତ କାହାକୁ ହତ୍ୟା କରିବା ସହିତ ସମାନ ।
ଏହି ଭିଡିଓରେ ରାବିଆ ଆମିନ ସଲମାନ ଖାନଙ୍କ ଉପରେ ସଂଗୀନ ଆରୋପ ଲଗାଇ କହିଛନ୍ତି । ଯେ ‘ଯାହା ଘଟିଲା ତାହା ମୋତେ 2015 ବିଷୟରେ ମନେ ପକାଇଲା । ଯେତେବେଳେ ମୁଁ ଜଣେ ସିବିଆଇ ଅଧିକାରୀଙ୍କୁ ଭେଟିବାକୁ ଯାଇଥିଲି । ସେହି ଅଧିକାରୀ ମୋତେ ଲଣ୍ଡନରୁ ଡାକିଥିଲେ ଯେ ଆମେ କିଛି ଗୁରୁତ୍ୱପୂର୍ଣ୍ଣ ପ୍ରମାଣ ପାଇଲୁ । ମୁଁ ସେଠାରେ ପହଞ୍ଚିବା ପରେ ସେ ମୋତେ କହିଥିଲେ ଯେ ଆମେ ସଲମାନ ଖାନଙ୍କଠାରୁ କଲ ପାଇଥିଲୁ । ସେମାନେ ଆମ ସହିତ ଟଙ୍କା ବିଷୟରେ କଥାବାର୍ତ୍ତା କରୁଛନ୍ତି ।
ରାବିଆ କହିଛନ୍ତି ଯେ ‘ସିବିଆଇ ଅଧିକାରୀ ମଧ୍ୟ ଏହି ସବୁ ଜିନିଷରେ ଅସୁବିଧାରେ ପଡ଼ିଥିଲେ । ତା’ପରେ ମୁଁ ଦିଲ୍ଲୀର ଉଚ୍ଚ ପଦାଧିକାରୀଙ୍କ ନିକଟକୁ ଯାଇଥିଲି । ଯଦି ଆପଣ ଟଙ୍କା ଏବଂ ସ୍ଥିତି ସହିତ ଯାଞ୍ଚକୁ ପ୍ରଭାବିତ କରୁଛନ୍ତି । ତେବେ ମୁଁ ନାଗରିକ ଭାବରେ କେଉଁ ଦିଗକୁ ଯାଉଛି ତାହା ଜାଣେ ନାହିଁ । ମୁଁ କେବଳ କହିବାକୁ ଚାହେଁ, ଠିଆ ହୁଅ, ଯୁଦ୍ଧ କର, ବଲିଉଡର ଏହି ବିଷାକ୍ତ ଆଚରଣକୁ ସମାପ୍ତ କର ।
ସୂଚନା ଅନୁଯାୟୀ ଜୁନ୍ 3, 2013 ରେ ଜିଆ ଖାନ୍ 25 ବର୍ଷ ବୟସରେ ଆତ୍ମହତ୍ୟା କରିଥିଲେ । ଜିଆଙ୍କ ମୃତ୍ୟୁର କାରଣ ଆଜି ପର୍ଯ୍ୟନ୍ତ ଜଣାପଡି ନାହିଁ। ଆଦିତ୍ୟ ପାଞ୍ଚୋଲିଙ୍କ ପୁତ୍ର ସୁରଜ ପାଞ୍ଚୋଲିଙ୍କ ଉପରେ ଜିଆଙ୍କ ମୃତ୍ୟୁର ଆରୋପ ଲାଗିଥିଲା ଏବଂ ଏହି ମାମଲାରେ ସୁରଜ ପଞ୍ଚୋଲି ଜେଲ ମଧ୍ୟ ଯାଇଥିଲେ ।
